TOP
  • Home
  • Emisinde
  • Musagala ali ku ffoomu: Akoze likodi y’eggwanga empya mu mmita 1500

Musagala ali ku ffoomu: Akoze likodi y’eggwanga empya mu mmita 1500

By Teddy Nakanjakko

Added 12th June 2017

RONALD Musagala ayongedde okulaga foomu ye n’okukakasa nti mwetegefu okuwanirira bendera ya Uganda mu mpaka z’ensi yonna eza IAAF World Championships ezinaayindira mu kibuga London ekya Bungereza mu August.

Aaaaaaabig703422 703x422

Musagala ng'ali mu nsiike gye buvuddeko

Ku Ssande mu mpaka za FBK games mu Hengelo ekya Budaaki, yakoze likodi y’eggwanga empya mu mmita 1500 nga zino yaziddukidde 3:33.65 nga yamenyewo ye kennyini gye yateekawo omwaka oguwedde eya 3:35.03 mu kibuga ky’ekimu ekyo.

Sizoni eno ng’etandika, Musagala omu ku baddusi abaakiikirira Uganda mu mpaka za IAAF World Cross Country ezaali mu kisaawe e Kololo yategeeza nga bw’atunuulidde okutuusa obudde obwetaagisa mu z’e London era nga kino yakituukiriza ku ntandikwa y’omwezi guno e Bufalansa, okumyenyawo likodi y’eggwanga kye yatuukiriza ku Ssande.

Mu mpaka z’ezimu Jacob Araptany (mmita 3,000SC) ng’ono yawangulira Uganda omudaali gw’ekikomo mu z’ensi yonna ez’abato ne Moses Kurong(mmita 10,000) baatuusizza obudde obwetaagisa mu mpaka z’e London nga bawezezza omuwendo gw’abaddusi abaakatuusa obudde 13.

Abalala kuliko Robert Chemonges (Marathon), Peruth Chemutai(3,000SC), Mercyline Chelengat (5,000) , Juliet Chekwel (10,000), Stephen Kiprotic, Solomon Mutai ne Alex Chesakit (Marathon) be baakayitawo okubeera ku ttiimu eno. Mu balala mulimu Jacob Kiplimo(5,000), Ronald Musagala (1500), Joshua Cheptegei ne Timothy Toroitich (10,000). Ends

More From The Author

Emboozi z’omuwandiisi endala

Emboozi endala

Kazi 220x290

Eyandesa omulimu ansuddewo

NZE Mediatrice Kubwimana 28, nzaalibwa Burundi naye nga mbeera Namugongo Zooni II. Mu 2011, nafuna omulimu gw’obwayaaya...

Civil 220x290

Omukazi atagambwako yali antamizza...

ENNAKU gye ndabidde mu nsonga z’omukwano mpitirivu era nabulako katono okugwenenya.

Funa 220x290

Eyantwala ku yunivasite yanzitattana...

NZE Jennifer Alwoch 26, mbeera ku kyalo, Adyel mu Lira. Bazadde bange bampeererako okutuuka mu S6 naye ssente ezinyongerayo...

Ssenga1 220x290

Lwaki mpulira sirina maanyi ga...

SSENGA mpulira nga sirina bulungi maanyi ga kisajja. Naye bwe neegatta amaanyi ngafuna bulungi naye ndowooza nti...

Ssenga1 220x290

Ensundo ya muganzi wange entiisa...

SSENGA nnina omuwala gwe njagala naye alina ensundo empanvu ku kisambi. Mugamba agende mu ddwaaliro agamba nti...