TOP

Abavuga mmotoka z'empaka bayiiseemu obukadde 100

By Nicholas Kalyango

Added 15th June 2017

NG'ABAVUZI ba mmotoka z’empaka beetegekera okwabika mu mpaka za 'Pearl Of Africa Rally' ku nkomerero y’omwezi guno, ekibiina ekitwala omuzannyo guno (FMU) kikubiddwa enkata.

Kwasa 703x422

Assi (ku ddyo) ng'akwasa Blick ceeke. Ku kkono ye; Pulezidenti wa FMU, Dusman Okee, ng'addiriddwa Noella Blick asomera Blick maapu.

Kkampuni ya Shell, ebawadde obukadde 100 bategeke empaka zino ku mutindo gw’ensi yonna.

“Pearl of Africa mpaka za maanyi, era twagala Uganda ezitegekere ku mutindo gw'ensi yonna ereme kuswala,” Gilbert Assi, akulira Shell bwe yategeezezza ng'awaayo ceeke eggulo ku ssundiro ly'amafuta ga Shell e Bugoloobi.

Empaka ze zisinga okuba ez’amaanyi ku kalenda y’engule ya Uganda (NRC) era nga ziri ne ku kalenda y’engule y'Afrika (ARC) ekulembeddwa Munnakenya Jaspreete Chatthe n’obubonero 30.

Abavuzi okuva mu mawanga okuli; Uganda, Burundi, Zambia, Kenya, Tanzania, Belgium ne Rwanda be basuubirwa okwetaba mu mpaka zino ezigenda okumala ennaku ebbiri nga zitolontoka mu bitundu by’e Busiika n’e Kayunga.

Mu kiseera kino, Ronald Sebuguzi y'akulembedde abavuzi abalwanira engule y'eggwanga ku bubonero 250.

Addiriddwa Christakis Fitidis (175), Fred Wampamba (175), Duncan Mubiru ne Omar Mayanja nga bombi balina 160.

More From The Author

Emboozi z’omuwandiisi endala

Emboozi endala

Looya1 220x290

Lukyamuzi ne Bwanika basabye kkooti...

EYALI omubaka Ken Lukyamuzi atutte akakiiko k’ebyokulonda mu kkooti Enkulu ng’ayagala ekalagira kayise ekiragiro...

Kasimba 220x290

Abeddira akasimba basonda za kuzimba...

Yategeezezza nti ekika kirina enteekateeka y’okuzimba ekizimbe gaggadde ekituumiddwa 'Akasimba Plaza' okukolerwa...

Seb1 220x290

Hanson Baliruno akubye abawagizi...

Hanson Baliruno akubye abawagizi be omuziki ne yeebaza Katonda olw'ekirabo eky'obulamu

Cot1 220x290

Abalamuzi bayimirizza akeediimo...

ABALAMUZI bakyusizza obukodyo bw’okusaba Gavumenti ebongeze emisaala ne bayimirizza n’okwekalakaasa kwe babadde...

Fdc1 220x290

Salaamu Musumba alangidde ababaka...

OMUMYUKA wa Ssabawandiisi wa FDC Salaamu Musumba alangidde ababaka ba Palamenti ‘’obufere’’ n’ategeeza ng’ekibiina...