TOP
  • Home
  • Ebirala
  • Amasomero gaweereddwa ebikozesebwa mu Cricket

Amasomero gaweereddwa ebikozesebwa mu Cricket

By Silvano Kibuuka

Added 7th July 2017

Amasomero g’abalenzi 42 ge gagenda okwetaba mu mpaka z’eggwanga eza 2017 era nga gaweereddwa ebikozesebwa mu muzannyo guno gatandike okwetendekera mu 'region' mwe gali.

Cricketkitbukedde3 703x422

Abayizi ba Kololo SSS nga bafunye ebikozesebwa mu muzannyo gwa Cricket nga bagenda kutandika okwetegekera empaka z'amasomero ag'abalenzi . (ekif: Silvano Kibuuka)

Ebikozesebwa bino era bye gagenda okweyambisa okuvuganya mu mpaka za rigyoni ezitandika omwezi ogujja nga fayinolo zisuubirwa mu December.

Buno bwe bumu ku buyambi obuvudde mu mikwano gy’ekibiina kya Uganda Cricket Association okuva mu kiraabu ya Banks Town esangibwa mu ggwanga lya Australia nga baatandika okuvujjirira Uganda b’ebikozesebwa okuviira ddala mu 2003.

Buli ssomero liweereddwa ebikofiira by’oku mutwe, eby’okwesabika engalo n’amagulu, obupiira wamu n’obubaawo obukuba akapiira ka Cricket.

Akulira eby’enkulakulana mu kibiina kya Uganda Cricket Association Henry Okecho y’akwasizza amasomero ebikozesebwa bino n’agamba nti basuubira okwongera okutumbula omutindo gwa Cricket nga bayitira mu bato ba besuubira okubbulula Uganda.

“Bino bitenda kwongera okutumbula omuzannyo. Ttiimu ya Uganda ey’abali wansi w’emyaka 19 ekyakola bulungi mu mpaka eziri e Kenya ez’okusunsula abanaazannya World Cup omwaka ogujja era nga bonna baava mu mpaka z’amasomero,” Okecho bw’ategeezezza.

Kinajjukirwa nti ttiimu ya Uganda Cricket Cranes yawanguliddwa ku butaka bwe yategese empaka z’ensi yonna ez’ekibinja ekyokusatu mwe yakwatidde ekyokutaano ku mawanga mukaaga ageetabye mu mpaka zino mu mwezi gwa May.

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam