TOP

Abeebikonde bayigga nsimbi

By Musasi wa Bukedde

Added 15th July 2017

EKIBIINA eddukanya ebikonde mu ggwanga, ekya Uganda Boxing Federation (UBF), kikukkuluma olw'ebbula ly'ensimbi ez'okuyamba ttiimu y'eggwanga 'The Bombers'.

Bara 703x422

Okuva ku kkono; Ayiti, Kakande ne Kakeeto, lwe baakyalako mu ofiisi za Bukedde.

Bya Fred Kisekka

The Bombers erina okwetaba mu mpaka za z'ensi yonna, eza World Boxing Championships ez'okubeera mu kibuga Hamburg mu Girimaani, kyokka n'okutuusa kati tennafuna ssente zaakugiyamba kwetegeka.

Omwogezi wa UBF, Fred Kavuma yagambye nti baali bategese ttiimu okuyingira enkambi nga July 7, kyokka tekinnasoboka kuba tebalina ssente.

" Obudde bugenda, naye tetusobola kussa bazannyi mu nkambi kuba wadde twawandiikira Gavumenti nga tusaba ensimbi, tetunnafuna kuddibwamu,” Kavuma bwe yagambye.

Uganda yaakukiikirirwa abaggunzi basatu okuli Muzamir Kakande (Welter), Geoffrey Kakeeto (Bantam) ne David Ayiti (Super Heavy). Bano be baawangudde emidaali mu mpaka z'Afrika ezaakomekkerezeddwa e Congo Brazaville.

Kakande yawangudde omudaali gwa zaabu ate banne ne bawangula egya ffeeza. Akulira ebyensimbi mu kakiiko akavunaanyizibwa ku mizannyo aka NCS, Mohammed Bbaale, yategeeezezza nti ensonga za The Bombers bazimanyi, wabula balinda ssaabawandiisi, Nicholas Muramagi akomewo okuva wabweru w'eggwanga balyoke bazitunulemu.

Gye buvuddeko, Muramagi bwe yali asiibula The Bombers okugenda e Congo Brazzaville mu z'Afrika, yabategeeza nti balina omulimu gumu, gwa guyitamu kuzannya mpaka z'ensi yonna, ne yeeyama nti bajja kuweebwa ensako n'okubateeka mu wooteeri ya Africana mwe baba bakuba enkambi nga beetegeka.

More From The Author

Emboozi z’omuwandiisi endala

Emboozi endala

Kabuzi1 220x290

Uganda ekubye Malawi 2-0 n'ewaga...

MU Mupiira, waliwo enjogera egamba nti tewali buwanguzi bubi, wabula waliwo bw’otuuka ekiseera ng’olina okutunuulira...

Gendako 220x290

Engeri okwanjula kwa Hamza gye...

Ebika bibiri eky’Endiga n’Ekyolugave Rema mw’azaalwa byali tebimanyiganye era nga tebasisinkanangako.

Bwama 220x290

Rema annyonnyodde by'ayiseemu ng'anoonya...

Rema yabattottolera obuzibu bwe yayitamu ng’anoonya ekika kye. Nti olumu Rema yasisinkana Ssenga we Nabatanzi ku...

Laga 220x290

Rema yasoose kukolebwako mikolo...

E Kyengera mu wiiki eddirira emikolo, Rema yasoose kukolebwako mikolo gya buwangwa okwanjula Hamza, Rema yali ne...

Buuza 220x290

Embaga ya Rema eriko ebibuuza

Kirumira yagasseeko nti ennaku z’omwezi baakuzitegeeza abantu mu kiseera ekituufu; n’annyonnyola nti enteekateeka...