TOP
  • Home
  • Emisinde
  • Bannabyamizannyo abaliko obulemu beennyamivu

Bannabyamizannyo abaliko obulemu beennyamivu

By Silvano Kibuuka

Added 30th July 2017

Bannabyamizannyo abaliko obulemu beekubidde enduulu mu gavumenti etunule mu kiwandiiko kye baatwala mu Palamenti mu kaweefube w’okulwanirira eddembe lyabwe mu mizannyo.

Athleticsparaemongjuly27bukeddeweb 703x422

DAVID Emong (wakati) ng'ali n'abakungu b'emizannyo gy'amalema. Ku kkono ye Bumaali Mpindi pulezidenti w'ekibiina kya Uganda Paralympics Committee ate ku ddyo ye Edson Ngirabakunzi akulira ekibiina ekigatta abalema ekya UUDIP nga baabadde ku wofiisi w'ekibiina ekyo e Ntinda, July 27 2017. (ekif:Silvano Kibuuka)

Balaze obwennyamivu nti gavumenti yabawadde ssente za muzannyi omu yekka David Emong ne baleka ttiimu y’abazannyi 15 eyali etendekeddwa.

Bawadde ekyokulabirako nti Rwanda yatutte abazannyi 25, Kenya 60, South Sudan 10 ne Tanzania 15.

Babadde ku kitebe kyabwe ekya National Union of Disabled Persons of Uganda (NUDIPU) we babadde baaniririza omuddusi David Emong eyawangudde omudaali gwa zaabu mu mpaka z’ensi yonna eza World Paralympics Championships ezaabadde mu kibuga London nga July 14 omwezi guno.

Akulira NUDIPU, Edson Ngirabakunzi ategeezezza nti mu bye baasaba gavumenti mulimu okubawa ekifo ku kakiiko akaddukanya emizannyo mu ggwanga aka NCS, minisitule okutegeka emizannyo gy’amasomero egy’abalema, okubateeka ku bajeti mwe bafunire ensimbi butereevu n’ebirala.

“Twetaaga obukadde 800 okuddukanya ekibiina kya Uganda Paralympics Committee okutendeka abazannyi, abatendesi , okugula ebikozesebwa n’ebirala,” pulezidenti wa Uganda Paralympics Committee Bumaali Mpindi bw’ategeezezza.

Yayongeddeko nti bagenda kuddayo mu Palamenti bongere okwekubira omulanga.

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...