TOP

Ttiimu ya Uganda ey'emisinde esiibuddwa

By Silvano Kibuuka

Added 31st July 2017

Gavumenti ewadde abaddusi 20 abakiikiridde eggwanga mu misinde gy’ensi yonna e London ssente 1,000,000/= buli omu nga za kwekuumisa.

Athleticsswalley5 703x422

Gavumenti ewadde abaddusi 20 abakiikiridde eggwanga mu misinde gy’ensi yonna e London ssente 1,000,000/= buli omu nga za kwekuumisa.

Ssabawandiisi wa NCS, Nicholas Muramagi y’ategeezezza bino bw’abadde akwasa abaddusi bano bbendera y’eggwanga okubasiibula e Lugogo era nga basiibuddwa ku ssaawa 9:00 ez’olweggulo ku nnyonyi ya Turkish Air.

Abakungu abagendedde ku ttiimu baweereddwa 1,500,000/= buli omu.

“Ssente tuzibawadde kweguliramu obuntu obutonotono nga bali mu kibuga London. Tubasuubiramu okukola obulungi kubanga bonna baali bagenzeko mu mpaka ennene okuggyako Abu Mayanja akyali omupya ku ttiimu,” Muramagi bw’ategeezezza.

Abaddusi bagenda kulwanira ne ssente ezigendera ku midaali ng’awangula zaabu afuna ddoola 60,000 (eza Uganda 216,600,000/=)  owa feeza n’afuna 40,000 (mu za Uganda 144,400,000/=) ate ow’ekikomo n’afuna 20,000 ( mu za Uganda 72,200,000/=).

Abaddusi abasooka omunaana bonna baakufuna ensimbi okusinziira ku Pulezidenti wa Uganda Athletics Federation (UAF) Dominic Otuchet.

Otuchet ategeezezza Bannayuganda nti ttiimu agirinamu obwesige kubanga etendekeddwa bulungi ate nga bonna baafunye ebisaanyizo okuyitamu okwetaba mu misinde egyo, teri yayise mu kamooli.

Ttiimu eno egendeddemu n’omuddusi Joshua Cheptgei eyadduka e Kololo mu misinde gy’ensi yonna egy’okwetoloola ebyalo n’aggwaamu amaanyi nga ye yali akulembedde banne.

“Ng’enda kudduka na bwegendereza wabula Katonda y’asinga okumanya,” Chetbw’ategeezezza nga tebanasimbula e Lugogo.

More From The Author

Emboozi z’omuwandiisi endala

Emboozi endala

Ldu 220x290

Abavubuka bajjumbidde okwewandiisa...

OKUWANDIIKA abaagala okuyingira Local Defense Unit (LDU) kwabaddemu obukwakkulizo obwalemesezza abamu ne basalawo...

Mulaalo 220x290

Museveni awadde famire ya Kirumira...

TAATA w’omugenzi Kirumira eggulo yakimye ssente okuva ewa Pulezidenti. Zaamukwasiddwa omuyimbi Catherine Kusasira...

Mbaata 220x290

Ekirwanya omuyimbi Kusasira ne...

OMUYIMBI Catherine Kusasira Serugga avudde mu mbeera n’agugumbudde Minisita Persis Namuganza nti, “Tonzungirako...

Bobiwineouganda 220x290

Abamerika bongedde okussa akazito...

ABABAKA babiri aba Palamenti ya Amerika (House of Representatives) bawandiikidde omubaka wa Uganda mu Amerika nga...

Yogo 220x290

Ababaka balumurizza UPDF ku kutulugunya...

ABABAKA ba Palamenti bongedde okwanja obujulizi ku magye ga UPDF okutulugunya, okutyoboola eddembe ly’obuntu n’okusaanyaawo...