TOP
  • Home
  • Emisinde
  • Aba USPA balonze Emong ku ky'omuzannyi wa July

Aba USPA balonze Emong ku ky'omuzannyi wa July

By Silvano Kibuuka

Added 7th August 2017

Bannamawulire abawandiika ag’emizannyo balonze omuddusi David Emong ku buzannyi bw’omwezi gwa July bwe yawangudde omudaali gwa zaabu mu misinde gy’ensi yonna egy’abaliko obulemu egya World Paralympics egyabadde mu kibuga London nga July 14.

Siga 703x422

DAVID Emong eyawangudde omudaali gwa Zaabu ng'annyonyola .Baabadde ku kitebe ky'abalema ekya UUDIP e Ntinda, July 27 2017. (ekif:Silvano Kibuuka)

Emong bamusiimye olw’okulinnyisa omutindo buli kiseera nga yatandikira mu mpaka ze zimu e London mu 2012 n’akwata kyakuna ate mu zaabadde mu Rio De Janeiro mu Brazil n’akwata kyakubiri okutuusa lwe yasitukidde mu zaabu ng’awangudde abadde kyampiyooni w’emisinde gino.

Avuganyiza mu mutendera gwa T46 mu mita 1500.

Emisinde gino yagiddukidde eddakiika 3:58.37 n’amegga abadde kyampiyooni Nouioua Samir owa Algeria eyaddukidde eddakiika 3:58.78.

Mu lutuula lwabwe olwa USPA-Nile Special Meeting ku Imperial Royale Hotel, Emong afunye obululu 395 ng’addiriddwa omukasusi w’olunyago Joyce Lalamu eyawangudde zaabu mu mpaka za Commonwealth Youths eyafunye obululu 275.

Omuteebi wa Cranes ne KCCA FC Paul Mucureezi akutte kyakusatu ku bululu 245 nga bamusiimye okuteeba ggoolo 4 nga Cranes ewangula South Sudan ate omuzannyi wa Woodball, Joan Mukova n’akwata kyakuna bwe yawangudde emidaali gya zaabu ebiri mu mpaka z’ensi yonna ezaabadde e Ntebe.

Abalala abasiimiddwa kwe kuli ttiimu y’abaddusi abalinnya ensozi abaawangudde zaabu ssatu ne ttiimu ya Cranes yonna olw’okugyamu South Sudan.

Mu kiseera kye kimu, pulezidenti wa USPA, Sabiiti Muwanga alangiridde nti emikolo gya USPA egy’okulwanyisa obubenje egya buli mwaka gitwaliddwa Wobulenzi mu disitulikiti ya Luwero.

Zijjuluddwa okuva nga August 26 okudda ku September 2 olwa fayinolo z’amasaza ga Buganda ezitegekeddwa nga August 26.

More From The Author

Emboozi z’omuwandiisi endala

Emboozi endala

Kasibante2 220x290

Omubaka Kasibante atereezezza obufumbo...

MOSES Kasibante omubaka wa Lubaga North atereezezza amaka, bw’ayanjuddwa mu kitiibwa ku mukolo ogwetabiddwaako...

Jmcweb 220x290

Kyetume ekutudde JMC Hippos

Kyetume evudde emabega n'ewangula JMC Hippos mu Big League mu ddakiika ezisembayo

Joshuaweb 220x290

Cheptegei ataddewo likodi ng'awangula...

Joshua Cheptegei ataddewo likodi y'ensi yonna empya, ng'awangula kiromita 15 mu misinde gya 2018 NN Seven Hills...

2016manujoseshout1 220x290

Veron ayogedde lwaki ManU evumbeera...

Veron akubye ebituli mu kisanja kya Mourinho mu ManU.

Afcon16 220x290

Olugendo lwa Uganda Cranes okugenda...

Olugendo lwa Uganda Cranes okugenda mu AFCON2018 e Cameroon.