TOP
  • Home
  • Mupiira
  • Uganda bagisudde ku New Zealand ne Malawi ku za Commonwealth ez'okubaka

Uganda bagisudde ku New Zealand ne Malawi ku za Commonwealth ez'okubaka

By Stephen Mayamba

Added 16th August 2017

OBULULU bw’ebibinja bya ttiimu ezigenda okuguvanya mu mpaka z’okubaka mu mizannyo gy’amawanga agli mu luse olumu ne Bungereza egya ‘Commonwealth’ bukwatiddwa ne Uganda ne bugisuula mu kibinja kya New Zealand.

Commonwealth1 703x422

She Cranes yawangula ekya African Netball championships mu June neyitamu okuzannya mu mizannyo gya common wealth omwaka ogujja. Uganda yatereddwa mu kibinja B ne New Zealand abakwata eky'okubir mu nsi yonna.

Obululu obwakwatiddwa ku makya g’Olwokusatu nga August 16,  amawanga 12 agakulembedde mu nsengeka za International Netball federation (INF) ekibiina ekiddukanya omuzannyo gw’okubaka mu nsi yonna ezasembayo okufulumizibwa ku ntandikwa ya July ge gasengekeddwa mu bibinja bibiri nga buli kimu kya ttiimu mukaaga.

Uganda ekwata kifo 9 mu nsi yonna kye yaddamu okuva mu ky’e 13 oluvanyuma lwa She Cranes okuwangula empaka za African Netball championships mwe yakubira Malawi ekwata eky’okutaano mu nsi yonna.

Guno gwe gugenda okuba omulundi gwa Uganda ogusoose okwetaba mu mpaka zino era nga Africa egenda kukiikirirwa amawanga 3.

Ekibinja A kirimu ba kyampiyoni b’ensi yonna abakulembedde mu nsengeka za INF era abalina ekikopo kino kye bawangula mu mizannyo egali mu kibuga Glasgow ekya Scotland mu 201.

Abalala mu kibinja kuliko Jamaica, South Africa, Barbados, Fiji ne Northern Ireland.

Ekibinja B mulimu;  New Zealand abakwata eky’okubiri mu nsi yonna era abawangudde world cup y’abali wansi w’emyaka 21 eyabadde e Botswana mu July,  Bungereza, Malawi, Wales, Scotland ne Uganda.

Emizannyo gya Commonwealth Games 2018 gigenda kuyindira mu kibuga Gold Coast wakati wa Apri 4 ne 15 omwaka ogujja.

Ekibinja A                  Ekibinja B

Australia                   New Zealand

Jamaica                    England

South Africa              Malawi

Barbados                  Wales

Fiji                             Scotland

Northern Ireland        Uganda

More From The Author

Emboozi z’omuwandiisi endala

Emboozi endala

Paska 220x290

Mukoka asse omukadde

Ekikangabwa kibuutikidde abatuuze ku kyalo Kaliisizo South mu Kalisizo Town Council mu disitulikiti y'e Kyotera,...

Fari1 220x290

Laba amaziga g’essanyu.

Munnakatemba era omuzannyi wa firimu Faridah Ndausi bamukoledde akabaga k'amazaalibwa nga takasuubira, akaabye...

Mbarara City ekutte Nkata ku nkoona...

Brian Ssenyondo akomezeddwawo okutwala Mbarara City mu maaso oluvannyuma lw'okukwata Nkata ku nkoona.

Buloba1 220x290

Blick afunzizza engule y'ezaakafubutuko...

Blick kati abuzaayo empaka za mirundi 2 (Kapeeka ne Boxing day)okulangirirwa nga kyampiyoni w'ezaakafubutuko....

Img3804webuse 220x290

Ekivvulu kya Toto kiri mu ggiya...

Ekivvulu ky'abaana ekya ToTo ekitegekebwa Vision Group kyengedde nga kati olwa December 8 lwe lulindirirwa lwokka...