TOP
  • Home
  • Ebikonde
  • Mayweather aggunze McGregor tonziriranga n'amumala amampaati

Mayweather aggunze McGregor tonziriranga n'amumala amampaati

By Musasi wa Bukedde

Added 27th August 2017

Omukubi w’enguumi Flyod Mayweather Junior enkya ya leero mu Amerika alaze nga bw’akyali nnantameggwa waazo mu nsi yonna bw’awangudde oluzannya lwe olwa 50 nga tawanguddwamu.

439a00d0000005784826896imagea2641503813048844 703x422

Mayweather ng'atwalidde McGreggor eng'uumi musoso ndaggu eyamunnyudde

Omukubi w’enguumi Flyod Mayweather Junior enkya ya leero mu Amerika alaze nga bw’akyali nnantameggwa waazo mu nsi yonna bw’awangudde oluzannya lwe olwa 50 nga tawanguddwamu.

Mayweather akubye Conor McGregor enzaalwa ya Irenald mu lukontana olw'e 10 ddiifiri Robert Byrd n’abiyimiriza nga Conor bamuttira mu miguwa.

Bibadde mu T-Mobile Arena mu kibuga Las Vegas.

Abawagizi ba Mayweather basoose kunnyogoga, McGregor bw’asoose okuwangula enkontana ebbiri ezosoose wabula Mayweather n’ategeeza oluvannyuma nti yabadde asoose kumuleka ayige obukodyo bwe wamu n’okumanya amaanyi ge n'obunafu bwe gattako okumukooya.

Atandise okulaga abawagizi kiki kyalinawo mu lukontana olwomukaaga n’okweyongerayo okutuusa mu lw'e 10 ng’akenenye endusu  Mc Grogor n’atandika okusaba ddiirifi abiyimirize.

Mayweather asitukidde mu kavu wa million za doola 200 ate McGrogor n’afuna 100 wabula.

McGrogor akkirizza nti ddala akubiddwa era n’atenda obukodyo bwa Mayweather.

Mayweather ku luno alayidde nti tajja kuddamu kuzannya bikonde naddala nga bino yabizannye kukakasa bantu abataamatira bwe yalwana be Manny Pacquiao nga baagamba nti baasaliriza.

Abantu mu mawanga mangi baasuze mu mabbaala gye balabidde ebikonde bino ebyalangiriddwa nti bizannyibwa kiro.

Wano mu Uganda bizannyiddwa ku ssaawa emu ey'oku makya.

Mayweather alangiridde nti awummudde ebikonde oluvannyuma lw’okuwangula oluzannya olwa 50 nga takubiddwamu.

More From The Author

Emboozi z’omuwandiisi endala

Emboozi endala

Batya1 220x290

‘Mufe ku mitima so si nnyambala’...

ABAKRISTU b’e Lukaya mu disitulikiti y’e Kalunguku Lwomukaaga baasuze mu Klezia nga batenderezza Katonda mu Mmisa...

Papa 220x290

Obukadde 600 nakozesaako 70 endala...

Town Clerk w’Eggombolola y’e Gombe, Sulaiman Kassim asobeddwa mu lukiiko RDC w’e Wakiso, Nnaalongo Rose Kirabira...

Untitled4 220x290

Ssegirinya waabwe lwaki munsibako...

KANSALA Muhammadi Ssegirinya ‘’Ddoboozi lya Kyebando’’ yeewozezzako ku by’omukazi gw’apepeya naye mu Amerika.

Untitled3 220x290

Abebivvulu beesunga mudidi gwa...

OMUKWANAGANYA w’ekibiina kya UMP-NET omuli abayimbi, abategesi b’ebivvulu ne bannakatemba, Tonny Ssempijja ng’ali...

Blur 220x290

Ssaalongo ayankubya muggya wange...

MBONAABONEDDE mu nsi eno! Nze Sharon Busingye 31 ow’e Lusanja mu Namere Zooni. Nzaalibwa ku kyalo Luwerere mu disitulikiti...