TOP

Ttiimu y'ebikonde eri mu kattu e Girimaani

By Musasi wa Bukedde

Added 29th August 2017

TTIIMU y’eggwanga ey'ebikonde ‘The Bombers’, etuuyana lwa bukadde 16, ezigibanjibwa wooteeri gy'ebadde esuzibwa mu mpaka za World Boxing Championships eziyindira mu kibuga Hamburg e Girimaani.

Wb3703422 703x422

Ttiimu ya Bombers

The Bombers yawanduse mu mpaka zino oluvannyuma lwa Muzamir Kakande ne Geoffrey Kakeeto okukubwa ne beegatta ku David Ayiti, eyagaanibwa okuzeetabamu.

Ekibiina ekitwala omuzannyo guno mu nsi yonna (AIBA), kigamba nti Ayiti alina okumala emyezi esatu nga tazannya bikonde kuba yakubwa 'tonziriranga' ku fayinolo y’empaka z’Afrika ezaali e Congo Brazzaville gye buvuddeko.

Omwogezi w'ekibiina ekitwala omuzannyo guno mu ggwanga, Fred Kavuma eyagenda nga maneja, yagambye nti baalina okusasula ‘Hyperion Hotel’ obukadde 23, kyokka NCS akakiiko akatwala emizannyo mu ggwanga kaabawaako 5,900,000/-.

“Tetukyalina kye tukola Girimaani kubanga ttiimu yawanduse, naye tulina kusooka kusasula bbanja lya wooteeri," Kavuma bwe yagambye.

Yannyonnyodde nti baali beekwata ennaku 13 okusuzibwa ku wooteeri eno, era AIBA egamba nti kibakakatako okuzisasulira zonna kuba baazisubya abantu abalala abandizeeyambisizza.

Tom Pule, omumyuka w’akulira eby’ensimbi mu NCS, yagambye nti ensonga za The Bombers bazimanyi era bazikolako.

More From The Author

Emboozi z’omuwandiisi endala

Emboozi endala

Dham 220x290

Embeera y’omubaka Dhamuzungu yeetaga...

Omubaka Dhamuzungu asimattuse okufiira mu kabenje k’e mmotoka, embeera ye yeetaga kusabira.

Aidslogo 220x290

Najeemera ebiragiro by’abasawo...

Asiah Tusingwire mulwadde wamukenenya. Yejjusa lwaki teyagoberera basawo kye baamugamba eky’okumira eddagala okusobola...

Muddo1 220x290

Okulunda kugatteko okulima omuddo...

Asiimwe ye nnannyini ffaamu ya Itungo Farm esan­gibwa ku kyalo Kyoga mu Wakiso ng’etudde ku yiika ssatu n’ekitundu...

Lusuku1 220x290

Endabirira y’olusuku mu biseera...

OLUVANNYUMA lw’okukozesebwa ebbanga eriwerako nga sirina kye nganyuddwaamu nabivaako ne mpangisa ekibanja ne nnima...

Nucafe 220x290

Abalimi b’emmwaanyi babakuutidde...

KAWEEFUBE w’okutumbula okulima emmwaanyi mu ggwanga aba aBi bakwatagangye n’ekibiina ekigatta abalimi b’emmwaanyi...