TOP

Liigi y'abali wansi we 18 etandika lunaku lwa nkya

By Musasi wa Bukedde

Added 15th September 2017

Liigi y'abali wansi we 18 etandika lunaku lwa nkya

We1 703x422

Abazannyi ba Kiraabu ya Masavu nga bali ku ddwaliro e Mulago oluvannyuma lw'okwekebejjebwa

Bya Joseph Zziwa

NGA Liigi y’abali wansi w'emyaka 18 eya Fufa Junior Liigi eggyibwako akawuuwo olunaku lw'enkya, kiraabu ezisuumusiddwa abazannyi baazo bamaze okuba nga beekebejjebwa emyaka gyabwe emituufu.

Kiraabu omuli Masavu fc,Mbarara City ne Maroons abazannyi baazo bamaze okuba nga batwalibwa mu ddwaliro ekkulu e Mulago okwekebejja emyaka gyabwe era ebivuddeyo biraze nti abazannyi ba Kiraabu zino bonna bakakasiddwa okuba nga beetaba mu mpaka zino okusinziira ku alipoota y'Abasawo.

Okusinziira ku akulira eby'okutumbula ebitone by'abaana mu FUFA Bashir Mutyaba ategeezezza nti ebbanga eriyise liigi eno ebadde ezannyibwa abaana abali wansi w'emyaka 17 naye kati yasuumusiddwa n'edda ku bali wansi w'emyaka 18.

"Twakirabye nti abaana bangi nnyo betufiirwa abalina ebitone ku myaka 18 bwe tutyo ne tusalawo okukyusa ku myaka tusobole okutumbula ebitone bino nga n'abatendesi bwebafuba okubeetegereza basobole okubawa omukisa okuzannyirako mu kiraabu za wano ennene ezimanyiddwanga ez'ababinyweera." Bwatyo Bashir Bwategeezezza

Agamu ku mateeka agongeddwa mu mpaka zino kiraabu zonna zirina okuwandiisa abazannyi 25 wabula ate ne zino ezisangiddwaawo zirina okuba nga ziweza abazannyi 15 abeetabye mu liigi ewedde.

Liggi eggyibwako akawuuwo olunaku lw'enkya n'emipiira esatu Maroons ne Onduparaka e Luzira, Mbarara City ne Express e Kakyeka, Proline ne Masavu ku kisaawe kya Star Times e Lugogo(Phillip Omond)

More From The Author

Emboozi z’omuwandiisi endala

Emboozi endala

Tembeya 220x290

Walukagga atadde akaka mu luyimba...

Nga yaakamala okugaanibwa okuyimba ku mukolo ogumu e Mpigi gyebuvuddeko, omuyimbi Mathias Walukagga embeera agiyimbyemu...

Tin1 220x290

Pressure esse abafamire babiri...

Pressure esse abafamire babiri omulundi gumu

Harvest 220x290

Amagye lwe gassa ku Mubarak akazito...

Amagye lwe gassa ku Mubarak akazito n'alekulira

Abetz 220x290

Abtex totya abasajja tubalina -...

POLIISI yagaana Bobi Wine okuddamu okulinnya ku siteegi. Bino byagenda okubaawo ng’abategesi b’ebivvulu, Abbey...

Kenzo 220x290

Aziz wangoba kati oyagala nkusiime...

OMUYIMBI Eddy Kenzo addizza Aziz Azion omuliro olw’okumulangira nga bwe yamuyamba n’atamusiima n’agamba nti Aziz...