TOP

Omuwanika wa Olympics Committee afudde

By Silvano Kibuuka

Added 17th October 2017

Munnabyamizannyo abadde omuwanika mu bitongole by’emizannyo n’amasomero, Godfrey Nuwagaba afudde kibwatukira amakya ga leero (Lwakubiri) bw’abadde agenda e Dubai okwewummuzzaamu.

Nuwagaba 703x422

Omugenzi Nuwagaba

Bya SILVANO KIBUUKA

Munnabyamizannyo abadde omuwanika mu bitongole by’emizannyo n’amasomero, Godfrey Nuwagaba afudde kibwatukira amakya ga leero (Lwakubiri) bw’abadde agenda e Dubai okwewummuzzaamu.

Nuwagaba, abadde muwanika w’akakiiko akavunaanyizibwa ku muzannyo gya Olympics aka Uganda Olympic Committee (UOC) mu kisanja ekyokubiri era ng’abadde omuwanika w’ekibiina ekiddukanya emisinde ekya Uganda Athletics Federation (UAF) era ekisanja ekyokubiri.

Nuwagaba yabadde ku nnyonyi ya Emirates eyasimbudde e Ntebe ku ssaawa 10 akawungeezi k'eggulo (Mmande) nga yabadde egenda butereevu e Dubai ng'ali ne mikwano gye, mukyala we n’omwana waabwe omuto.

Apollo Musherure, amyuka omuwandiisi mu kibiina ky’emisinda ekya UAF ategeezezza nti omugenzi yabadde ne mukyala we Winnie Nuwagaba, n’omwana waabwe omuto ne mikwano gye okuli; Eridadi Munooni ne Richard Gordon Aine.

“Munooni yantegeezezza ku ssimu nti baabadde baakayita mu Ethiopia abasaabaze abawerako (okuli ne Munooni) ne batandika okussa obubi ng’omukka ogussibwa gucankalanye.

Abagoba b’ennyonnyi baawaliriziddwa okusaza mu lugendo ne badda ku kisaawe kya Adiss Ababa (Ethiopia) wadde tebaabadde baakugwayo okutaasa abaayisiddwa obubi.

Abasaabaze abalala baateredde wabula Nuwagaba yayisiddwa bubi nnyo era n’atwalibwa mu ddwaaliro olwo mukyala we n’omwana ne bamusigalako abalala ne beeyongerayo era eby’okufa kwa munnaabwe baabiwuliridde Dubai,” Musherure bwe yategeezezza.

 Entegeka z'okuzza omugenzi zikolwako era omulambo gusuubirwa okutuuka mu kiro ekikeesa enkya (Lwakusatu) okusinziira ku bakungu ba UOC.

Nuwagaba yazaalibwa 3/7/1964 ng’asibuka Biharwe ng’oyingira Mbarara.

 

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...