TOP

Ebipya bizuuse ku ngule Ronaldo gye yawangudde

By Musasi wa Bukedde

Added 24th October 2017

EBIPYA bizuuse ku ngule y’obuzannyi bw’ensi yonna Cristiano Ronaldo gye yawangudde.

Bipya1 703x422

Ronaldo ng'anywegera engule gye yawangudde

Ye kennyini ne Lionel Messi eyamuddiridde tekuli yalonda munne mu bazannyi abasinga okucanga akapiira mu nsi yonna ab’omwaka 2016. Ekirala ekizuuse, bassita bano baalonda bazannyi ba kiraabu zaabwe mwe basambira.

Engule eno erondebwa abatendesi ne bakapiteeni ba ttiimu z’amawanga nga Ronaldo owa Portugal yessa mu kifo ekisooka n’azzaako Luka Modric, Sergio Ramos ne Marcelo bwe bazannyira mu Real Madrid.

Ye Messi, kapiteeni wa Argentina, yessa mu kifo ekisooka n’azzaako Luis Suarez, Andres Iniesta ne Neymar bwe baasambira Barcelona. Wabula Neymar yaguliddwa PSG eya Bufalansa.

Ekimu ku byewuunyisa, Gareth Southgate, atendeka Bungereza, yamma Messi akalulu mu bazannyi abana abamusingira okucanga akapiira.

Kino kyawanuziddwa nti Southgate yagaana lwa kakuku akaliwo wakati wa Bungeza ne Argentina n’okuba nga Argentina ye yaggyamu Bungereza ng’akyagizannyira mu World Cup ya 2008.

Omufalansa Zinedine Zidane ye yawangudde obutendesi bw’omwaka olw’okuyamba Real Madrid okuwangula liigi ya Spain ne Champions League.

More From The Author

Emboozi z’omuwandiisi endala

Emboozi endala

Patu 220x290

'Twagala Mityana eyegombesa'

Patrick Mugisha ng'ono y'avuganyaako ku kifo ky’obubaka bwa Palamenti okukiikirira Mityana North aludde ddaaki...

Pro 220x290

Ddala kiki ekyasse omugagga wa...

OBULWADDE obwasse omutandisi w’essomero lya Kabojja Junior School, bwasooka kucankalanya lubuto, aba famire ne...

Titi 220x290

Omutuuze w’e Kanyanya afiiridde...

Muky. Roninah Nakacwa Kyaterekera Kirumira 69, baamututte mu Amerika okumujjanjaba obulwadde bwa kansa kyokka n’afa...

Busy1 220x290

‘Nze ebya laavu nabivaako nneekubira...

BW’OBA onyumya n’omuyimbi w’ennyimba za laavu David Lutalo emboozi ye ewooma era mubeera mu kuseka n’okukuba obukule....

Gurad 220x290

Amasomero agatannafuna bigezo bya...

AMASOMERO agamu gakyalwana okuggyayo ebigezo by’abayizi baabwe ebya P7 mu UNEB, ekireese obweraliikirivu mu bazadde...