TOP

FUFA ebuliddwa ttiimu ekiikirira Uganda mu mpaka za CAF

By Musasi wa Bukedde

Added 14th November 2017

FUFA amagezi gagyesibye oluvannyuma lw’okubulwa ttiimu eneekiikira Uganda mu mpaka za Total CAF Confederations Cup ezitandika mu February omwaka ogujja.

Dsc0158 703x422

Omwogezi wa FUFA, Ahmed Hussien

Paidha Black Angels, eya Big League nga yakubwa KCCA ku fayinolo ya Uganda Cup ye yali erina okukiikirira Uganda mu mpaka zino kyokka yategeezezza FUFA nga bw’eremereddwa olw’obutaba na ssente.

Kino olwakitegedde, omukisa FUFA yaguwadde Express eyawandukira ku semi wabula nayo ssente ne zigiggyamu.

Oluvannyuma FUFA yawandiikidde SC Villa ne Vipers okulaba oba nga kuliko eyeetegese okukiika mu kifo kino kyokka Villa yabazzeemu ng’ebategeeza nga bw’etajja kusobola.

Villa, yamalira mu kyakubiri mu liigi era yabadde n’omukisa okutwala ekifo kino.

Vipers, eyakwata ekyokusatu mu liigi, y’ekyalinawo omukisa okuwanika bendera ya Uganda singa eneetuukiriza ebyetaagisa era erina okusalawo mu bbanga lya nnaku 15 ezaatandise ku Lwokutaano lwa wiiki ewedde.

Ttiimu okukiika, esooka kuwaayo doola 10,500 (eza Uganda obukadde 37 n’emitwalo 80) ng’omusingo okulaga nti erina obusobozi obukiika n’emalako empaka.

Akulira emirimu mu Villa, Valley Mugwanya yategeezezza nti wadde bandiyagadde okukozesa omukisa guno, kyokka obudde FUFA bwe yabawadde okwetegekeramu butono kuba balina okusooka okutuuza olukiiko nga bo abakulira ttiimu n’abawagizi beegeyeemu oba nga balina obusobozi obukiika.

“Ebbaluwa twagifunye Lwakutaano nga baagala ebyetaago byonna tubibawe mu wiiki bbiri, ekintu ekizibu okutuukiriza,” Mugwanya bwe yategeezezza.

George William Mulindwa, ssentebe wa Vipers, yategeezezza nti ensonga zino tazibaddemu nnyo kuba alina emirimu mingi kyokka nabo bagenda kutuula beegeyeemu ne nnannyini ttiimu eno, Lawrence Mulindwa balabe kye banaasalawo.

KCCA, eyawangula liigi, y’egenda okukiika mu Champions League.

 

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...