TOP
  • Home
  • Ebyemizannyo
  • MTN eyanjudde obukadde 600 ezaavudde mu misinde gya 'Marathon'

MTN eyanjudde obukadde 600 ezaavudde mu misinde gya 'Marathon'

By Moses Kigongo

Added 30th November 2017

SSENTE obukadde 600 ezaavudde mu misinde gya ‘MTN Kampala Marathon’ zaakugabanyizibwa mu miramwa ebiri okwaddukirwa emisinde gino.

Mtn 703x422

Okuva ku kkono; Vanhelleputte, Mweheire Kabushenga ne Olivier Prentout akulira bakitunzi ba MTN

Kuno kuliko okudduukirira bannakazadde b’eggwanga mu malwaliro e Komamboga ne Kiswa wamu n’okugulira abayizi amabaati agatalwaza kkansa.

Akulira kkampuni ya MTN, Wim Vanhelleputte, ye yategeezezza bino, bwe yabadde ayanjula ensimbi ezaavudde mu misinde gy’omwaka guno.

“Twakung'aanyizza obukadde 600 okuva mu Bannayuganda era ebitundu 56 bigenda kussibwa ku mulamwa gw’okudduukirira bannakazadde ate 44 ziweebwe abayizi abali mu masomero agalina amabaati ga asbestos, agalwaza kkansa,” Vanhelleputte bwe yategeezezza ku mukolo ogwabadde kizimbe kya MTN Towers mu Kampala.

Amasomero agagenda okuganyurwa kuliko; Buganda Road, Kibuli Demonstration, Bat Valley, Nakivubo Settlement, Kololo SS ne Old Kampala SS.

Amalala kuliko; Kibuli SS, Mengo SS, Nabisunsa Girls, Makerere College, Kyambogo SS, ne Katwe Martyrs.

Ye Robert Kabushenga, akulira Vision Group, emu ku kkampuni ezaawagidde emisinde gino yeebazizza MTN ne Bannayuganda okudduukirira emiramwa gy’omulundi guno.

“ Mbasaba mulowooze ku ky’okussa emisinde gino ku ddaala ly’ensi yonna, abantu abalala abalina obwetaavu nabo bagiganyulwemu,” Kabushenga bwe yategeezezza.

Kabushenga yawagiddwa kkampunu endala ezaawagidde emisinde gino, okwabadde; Patrick Mweheire eyakiikiridde Stanbic Bank, Stanley Chyn akulira kkampuni ya Huawei, Van Conrad okuva mu Rwenzori ne Ambrose Atwoko, omumyuka w’akulira ebyenjigiriza mu KCCA.

Emisinde gyasimbula ku kisaawe e Kololo nga November 19.

More From The Author

Emboozi z’omuwandiisi endala

Emboozi endala

Bus1 220x290

Cranes egudde mu bintu

Cranes egudde mu bintu

Jip1 220x290

She Cranes etandise okutendekebwa...

She Cranes etandise okutendekebwa

Lib2 220x290

Omwana omulala afiiridde mu muliro...

Omwana omulala afiiridde mu muliro e Katwe

Kat2 220x290

Katikkiro Mayiga agumizza abantu...

Katikkiro Mayiga agumizza abantu ku nsonga y'Amasiro

Kabakamutebiii 220x290

Kabaka akoze enkyukakyuka mu kabineeti...

Kabaka akoze enkyukakyuka mu kabineeti y'e Mengo.