TOP

Ab'ensambaggere bawangudde zaabu e South Sudan

By Silvano Kibuuka

Added 6th December 2017

Abazannyi; Mohammed Lukwago ne Michael Ngabo be baawangulidde Uganda emidaali nga kati balindiridde mwaka gujja okwongera okulaga kye balinawo nga be batunuulidde okudda mu bigere bya Moses Golola n’abazannyi abalala nga Ronald Mugula, Alex Masiko n’abalala.

Kickboxingbackbukedde4 703x422

Abazannyi b'ensambagere nga bazzizza bbendera e Lugogo n'okulaga emidaali gye bakwasizza omumyuka wa ssabawandiisi waNCS, David Katende (mu ssuuti). Okuva ku ddyo ye Amos Sempagala, Ivan Koleta, MIchael Ngabo omutendesi Umar Katumba ne kapiteeni Mohammed Lukwago. (ekif:Silvano Kibuuka)

Abazannyi ba Uganda babiri bawangudde emidaali gya zaabu mu mpaka z’ensambaggere ezaabadde mu ggwanga lya South Sudan ne balaga nti waliwo abagenda okusikira Moses Golola ne banne abazannyira ensimbi kati.

Ttiimu y’eggwanga eyabaddemu abazannyi bataano baabadde mu South Sudan ku nkomerero ya wiiki era bombiriri ne bawangula emidaali gya zaabu.

Abazannyi; Mohammed Lukwago ne Michael Ngabo be baawangulidde Uganda emidaali nga kati balindiridde mwaka gujja okwongera okulaga kye balinawo nga be batunuulidde okudda mu bigere bya Moses Golola n’abazannyi abalala nga Ronald Mugula, Alex Masiko n’abalala.

Ssabawandiisi w’akakiiko ka NCS David Katende Semakula asiimye ekibiina ky’ensambaggere ekya Uganda Kickboxing Federation ky’agambye nti kisinze bingi okuzza embalirira bwe kivudde mu mpaka ezaabadde e South Sudan gye baakisindika okukiikirira eggwanga ku Lwokuna oluwedde.

Bano babadde bazzizza bbendera y’eggwanga e Lugogo wamu n’okulaga emidaali gye baawangudde nga ttiimu yabaddemu abazannyi bana, babiri ne bawangula emidaali gya zaabu ate abalala ne bawangulwa.

Kapiteeni wa ttiimu eno, Mohammed Lukwago ategeezezza nti balina empaka ze batunuulidde okwetabamu e Pakistan mu January omwaka ogujja.

More From The Author

Emboozi z’omuwandiisi endala

Emboozi endala

Santi22 220x290

Bamukakasizza ku butendesi bwa...

Solari, eyazannyirako Real wakati wa 2000 ne 2005, okuva lwe yakwata enkasi ya kiraabu eno ng'omutendesi, yaakawangula...

Swingsmadeoutoftireswebuse 220x290

Weenogere ssente ng’oyongera omutindo...

Buli kintu ekiva ku mmotoka tokisuula kuba kirimu ssente ssinga olowooza n'obyongerako omutindo.

Nkonerako 220x290

Nnoonya alina "waaka"

Njagala omukyala alina ku ssente, amanyi omukwano, ng’ali wakati w’emyaka 20-30, talina siriimu kuba nange ndi...

Umar1 220x290

Umar Mwanje atandise okulya ku...

OMUYIMBI Umar Mwanje (ku ddyo) eyayimba ennyimba nga ‘‘Omwana wa musajja, Ttivvi y’omu ddiiro, Nnina ekyejo n’endala...

Buyaga 220x290

Dr. Kisembo anoonya ki e Buyaga?...

DR. Emmanuel Kisembo y’omu ku baalwanirira abatuuze b’e Bukasa, Namataba n’e Kito mu Kira obutagobwa ku ttaka...