TOP

City Oilers ewangudde liigi y'ensero omulundi ogwokutaano

By Musasi wa Bukedde

Added 16th January 2018

TTIIMU ya City Oilers yazzeemu okuwangula ekikopo kya National Basketball League (NBL) omulundi ogwokutaano ogwomuddiring'anwa ku Lwokutaano mu MTN Indoor Arena e Lugogo.

Rita1 703x422

Bya GERALD KIKULWE

City Oilers yawangudde KIU Titans enzannya  4 kw’ezo 7 ze baabadde balina okuzannya wabula oluvannyuma lwa KIU okulemererwa okwenunula ku luzannya olwokuna kyawadde batabani ba Mandela ekikopo ekyokutaano.

Mandy Juruni omutendesi wa City Oilers yagambye nti kino kye bakoze eky’okulemesa KIU Titans okuwangulayo  oluzannya lwonna kiraze nti eky’okubeera kyampiyoni kibagwanidde.

“Ttiimu ewangudde ebikopo 4 eby’omuddiringanwa,kyetaagisa n’okuba omuntu nga takutteemu wadde oluzannya era kye tukoze wabula obumanyirivu mu liigi,obumu bwa ttiimu n’okulaga ennyonta bituyambye okuwangula,”Mandy bwe yeewaanye.

Ku Fayinolo y’omwaka guno,City Oilers ewangudde (74-72),(76-72),(56-54) ne (68-60)

City Oilers mu 2017 yakubye KIU Titans Falcons ku Fayinolo,2016 yakuba Betway Powers,2015 yaggyamu UCU Canons,2014 n’ekuba Tiger Head Power ate 2013 yaggyamu Falcons.

Kino kati kitegeeza nti City Oilers ne KIU Titans baakukiikirira Uganda mu 2018 Men’s  Zone Five Championship eyakawangulwa City Oilers emirundi ebiri.

More From The Author

Emboozi z’omuwandiisi endala

Emboozi endala

Ssengalogo 220x290

Ssenga nsobola okuloga omulenzi...

Mpulira bagamba osobola okuloga omusajja n’akwagala. Ggwe olina ku ddagala ssenga.

Ssengalogo 220x290

Mukazi wange alabika yayenda n’azaala...

Nnina abakyala babiri, mukyala muto ali mu kyalo naye kati omukyala oyo alabika ayenda era yazaala omwana mulenzi....

Ssengalogo 220x290

Emyezi ebiri sigenda mu nsonga...

Nneegatta oluvannyuma ne ngenda mu kalwaliro ne ngula empeke okwetangira okufuna olubuto naye kati mmaze emyezi...

Baabano babbulooka b’e Mulago abateeka...

BAKAYUNGIRIZI abaali bamanyiddwa ennyo mu kutunda ettaka kyewuunyisa nti kati baatuuka dda ne mu malwaliro!

Minisita 220x290

Kkamera ziyambye okulaga abatemu...

KKAMERA za poliisi ez’oku nguudo n’ezobwannannyini, y’emu ku nteekateeka za Pulezidenti Museveni ekkumi ze yateekawo...