TOP

Joshua Cheptegei awangudde egy'e Spain

By Teddy Nakanjakko

Added 22nd January 2018

Joshua Cheptegei awangudde egye Spain

Tap1 703x422

BASAJJA (11.1km)

1 Joshua Cheptegei (UGA) 30:54

2 Jacob Kiplimo (UGA) 30:55

3 Selemon Barega (ETH) 31:01

4 Abadi Hadis (ETH) 31:01

5 Emmanuel Gniki (TAN) 31:08

6 Ilias Fifa (ESP) 31:39

7 Joel Ayeko (UGA) 31:48

JOSHUA Cheptegei eyawangulira Uganda omudaali gwa feeza mu mpaka z’ensi yonna, alaze foomu bw’awangudde emisinde gya IAAF Cross Country Permit ezaabadde mu kibuga Seville ekya Spain ku Ssande.

Obuwanguzi bwa Cheptegei bw’akomekkereza obujoozi bwa Selemon Barega owa Ethiopia abadde yeefuze emisinde gino nga yawangula omwaka oguwedde n’eza January 14 ezaali mu Elgoibar ekya Spain.

Cheptegei emisinde gino yagiddukidde eddakiika 30:54 bwe yeekutudde ku kibinja ky’abaddusi 11 abaabadde bakulembedde nga baakeetoloola emirundi mukaaga ku 10 era nga muno mwe mwabadde ne Bannayuganda abalala Jacob Kiplimo ne Joel Ayeko.

Kiplimo ye yasoose okuggulawo nga yeekutula ku kibinja ekinene ekyataddewo okuvuganya olwa foomu gye yayolesezza nga enzaalwa ya Ethiopia  Barega ne Hadis entuuyo bazisaza bibatu. Ekibinja kyasigaddemu abaddusi bataano era akadde k’omulundi ogusemba we kaavugidde nga bakyavuganya.  

Kilpimo ne Cheptegei beekutuddeko olwo ne batandika kuvuganya bokka na bokka, era ng’esigadde mmita 800 kyabadde ky’eraga lwatu nti Munnayuganda y’awangula naye nga tekinneeraga ani alya empanga.

Mu mmita 100, Cheptegei yakozesezza akakodyo k’okufubutuka n’awangula ng’addiriddwa Jacob Kiplimo eyawangula zaabu mu Cross country ezaali e Kololo.

“Gino gy’emisinde gye nsoose okudduka mu sizoni eno okuva mu November era nabadde sisuubira kuwangula kuba ngezaako kwongera ku mutindo gwa foomu yange.” Cheptegei bwe yategeezezza nga yaakatuuka ku kaguwa. Guno si gwe gusoose Cheptegei kwetaba mu mpaka zino ng’ogwasooka yaliyo mu 2015 bwe yakwata eky’okutaano.

Moses Kipsiro ye Munnayuganda eyali awanguddeko empaka zino nga yawangula mu 2008 ne 2009. Baabadde mu mpaka ez’omulundi ogwa 36 eza Cross Internacional de Itálica in Santiponce ku Ssande.

More From The Author

Emboozi z’omuwandiisi endala

Emboozi endala

Myu 220x290

Akatale k’obumyu kagguse

OBUMYU kimu ku bintu ebirimu ssente wabula abalunzi abamu bagenze babuvaako okubulunda olw’akatale akatono bwe...

Rolls1 220x290

Isaac Nasser yeeyiyeemu Rolls Royce...

ABAVUBUKA batandise okwetegekera amasappe ga Ssekukkulu. W’osomera bino g’omuvubuka Isaac Nasser ayingizzaawo...

Rolls1 220x290

Isaac Nasser yeeyiyeemu Rolls Royce...

ABAVUBUKA batandise okwetegekera amasappe ga Ssekukkulu. W’osomera bino g’omuvubuka Isaac Nasser ayingizzaawo...

Golola1 220x290

Golola akoze omubiri n’atiisa abawagizi...

OMUKUBI w’ensambaggere Moses Golola ‘Of Uganda’ kuno okutendekebwa kwaliko kwandimufuula omulema.

Ssape1 220x290

Ab’e Kamuli baliko DPC ow’amasappe...

Naye bw’aba agenda ku mikolo naddala nga guliko abanene alina engeri gye yeesabikamu n’afanaanira ddala Sam Omala...