TOP
  • Home
  • Mupiira
  • Express ne Proline buli omu alwana kuwona kyambe

Express ne Proline buli omu alwana kuwona kyambe

By Musasi wa Bukedde

Added 2nd March 2018

BULI mupiira Express ne Proline gwe zizannya gufaanana nga fayinolo kuba zombi zeetaasa kyambe.

Harvest 703x422

Bisaso ne Mujib Kasule

Maroons - Vipers e Kitende, 10:00 (guli ku TV)

Express -Proline e Wankulukuku, 10:30

Express yekoobedde ku bubonero 15, ate Proline ya 13 ku 17, na nayo bw'eteerwanako eyinza okusalwako.

Ttiimu zombi zittunka leero (Lwakutaano) mu Azam Uganda Premier League mu kisaawe e Wankulukuku, era buli emu buno obubonero bw'etunuulidde okutandika ku lugendo lw'okuwona okuzannyira mu Big League sizoni ejja.

Proline ekubiddwa emipiira etaano egisembyeyo sso nga Express mu mipiira gye gimu ewanguddemu gumu n’okulemagana gumu.

EMIKISA GYA BULI TTIMU

Buli ttiimu ebeera n’enkizo mu maka gaayo, wabula ku Express si bwe kiri kuba emipiira mwenda gye baakakyalizza e Wankulukuku, bawanguddeko esatu ne bakubwa ena n’okulemagana ebiri.

Wabula enkizo ya Express eri nti bukya sizoni eno etandika, Proline tewangulirangako ku bugenyi, sso nga n'okuteeberayo kizibu. (Yakateeberayo ggoolo ssatu).

BWE BEETEGESE

Express bwe yabadde etendekebwa ku Lwokusatu, omutendesi Shafiq Bisaso yalonze ttiimu bbiri ne zizannya okufaananako abazannya ogw’okwegezaamu wabula ekizibu ky'okuteeba era kye yolese nga kikyaliwo.

Joseph Semuju ne Alfred Aleku baabadde mu ttiimu emu kyokka eddakiika 90 zaaweddeko nga bateebye ggoolo emu yokka, ate yo ttiimu endala teyafunyeeyo ggoolo.

Bisaso yagambye nti: “Buli mupiira guba n'enteekateeka yaagwo. Ekya ggoolo obutanywa leero tekitegeeza nti ne ku Proline zijja kugaana kuba obukodyo ng'enda kubukyusa” Bisaso bwe yategeezezza.

Yakunze abawagizi okugenda mu bungi e Wankulukuku kuba obuwagizi bwabwe bukola kinene nnyo okuzzaamu abazannyi amaanyi.

Mujib Kasule, nnanyini Proline era nga y’agitendeka, yagambye nti omupiira guno mukulu nnyo gy’ali. "Kituufu tuludde okuwangula naye guno tugenda kugufiirako kuba tuli mu matigga,” Mujib bwe yategeezezza.

Yalabudde Bisaso, eyaliko omukozi we mu Proline nti okudda kwa basitta be; Ivan Bukenya, Sula Matovu ‘Maloda’, Simon Mbaziira ne Dan Isiagi kubongedde amaanyi.

VIPERS NE MAROONS E KITENDE

Maroons, eyaakamala emipiira 14 nga tekubiddwa (yasemba kuwangulwa Express mu September w’omwaka oguwedde), ekyaza Vipers e Luzira.

Ekiteeka ebbugumu mu mupiira guno kwe kuba nga ne Vipers omutindo gwayo mulungi kuba ewangudde emipiira etaano egy'omuddiring'anwa.

Vipers eri mu kyakubiri, nga bw'ewangula egenda waggulu wa ttebo.

Asaph Mwebaze atendeka Maroons yagambye nti ttiimu ennene tezimuwa buzibu kuba abazannyi babeera babagoberera nnyo.

More From The Author

Emboozi z’omuwandiisi endala

Emboozi endala

Kuba 220x290

Munnayuganda atuuziddwa nga omusumba...

MUNNAYUGANDA eyalondebwa okufuuka Omusumba w’essaza ly’Eklezia erya Aliwal e South Afrika atuuziddwa mu kitiibwa,...

Br1 220x290

Leero mazaalibwa ga Jose Roberto...

Leero mazaalibwa ga Jose Roberto Gama De Olivieira amanyiddwa nga Bebeto eyali emmunyenye ya Brazil

Carol 220x290

Omwawule akoze siteetimenti ekontana...

REV. Isaac Mwesigwa bwe yaggyiddwa e Soroti yatwaliddwa butereevu ku kitebe kya poliisi e Naggulu mu Kampala n’akola...

Jit1 220x290

Poliisi etandise omuyiggo gw'abavubuka...

Poliisi etandise omuyiggo gw'abavubuka abagambibwa okukuliramu okwekalakaasa e Kawempe

Kola 220x290

Leero mu mboozi y'omukenkufu, tukulaze...

OKUFAANANAKO Vanilla, abantu bangi baalima Moringa naye oluvannyuma ne bamutema yenna bwe baabulwa akatale era...