TOP
  • Home
  • Emisinde
  • CHEPTEGEI: Agguliddewo Uganda okuwangula emidaali mu Commonwealth

CHEPTEGEI: Agguliddewo Uganda okuwangula emidaali mu Commonwealth

By Musasi wa Bukedde

Added 8th April 2018

UGANDA, etandise okuloza ku ssanyu ly'emidaali mu mizannyo gya Commonwealth, Joshua Cheptegei bw'awangudde omudaali gwa zaabu n'atuukiriza ebigambo bye yasuubiza Bannayuganda nga tannasituka kugenda mu kibuga Gold Coast ekya Australia, emizannyo gino gye giyindira.

Joshuacheptegei1650433 703x422

Cheptegei ng'asanyukira obuwanguzi. Ku ddyo ye Ayeko.

Bya L. LUBUULWA, GOLD COAST

Abaawangudde emidaali; 1. J. Cheptegei (UGA) 13:50.83

2. M. Ahmed (CAN) 13:52.78

3. Pingua Zakayo (KEN) 13:54.06

4. Thomas Ayeko (UGA) 13:54:78

5. S. Mcsweyn (AUS) 13:58.96

6. PHILLIP KIPYEKO (UGA)13:59.59

Cheptegei, awangudde embiro z'okwetooloola ekisaawe emirundi 12 n'ekitundu (mita 5000) ze yaddukidde 13:50.83 nga yamezze Mohammed Ahmed owa Canada (13:52.78) ne Munnakenya Edward Pingua Zakayo eyakutte ekyokusatu (13:54.06).

Guno gwe mudaali gwa Uganda ogusoose mu mizannyo gino sso nga gwe gwa Cheptegei ogwokubiri mu bbanga lya myezi munaana okuva lwe yawangula omudaali gwa feeza mu mbiro za mita 10,000 mu mpaka z'ensi yonna ezaali e London mu August w'omwaka oguwedde.

Obuwanguzi buno, bwongedde okumatiza Bannayuganda n'abantu abalala abaali balowooza nti Cheptegei talidda ngulu okuva lwe yalemwa okumalako embiro mu misinde gya World Crosscountry mu March w'omwaka oguwedde ng'akabengo kamusimbye.

Bannayuganda abalala abaabadde mu mbiro zino, Thomas Ayeko yamalidde mu kyakuna nga yaziddukidde 13:58.96, sso nga Phillip Kipyeko yamalidde mu kyamukaaga ng'emisinde gino yagiddukidde 13:59.59.

 

More From The Author

Emboozi z’omuwandiisi endala

Emboozi endala

Sev2 220x290

Museveni asisinkanye Abasumba ba...

Museveni asisinkanye Abasumba ba Klezia okuva mu Afrika

Kab2 220x290

Mukendeeze ku tulo musobole okweggya...

Mukendeeze ku tulo musobole okweggya mu bwavu-Museveni

Lab2 220x290

Wali muyigiriza ow'ekisa

Wali muyigiriza ow'ekisa

Lip2 220x290

Okufa kwa Namirimu kwatufumise...

Okufa kwa Namirimu kwatufumise nga ffumu

Tip2 220x290

Bannange nze siri mulogo ebyawongo...

Bannange nze siri mulogo ebyawongo bye bintawaanya