TOP
  • Home
  • Amawulire
  • Mutebi apondoose n’akkiriza abazannyi be okugenda ku y’eggwanga

Mutebi apondoose n’akkiriza abazannyi be okugenda ku y’eggwanga

By Musasi wa Bukedde

Added 21st April 2018

OMUTENDESI wa KCCA FC, Mike Mutebi yeefukuludde n’akkiriza abazannyi be yabadde agaanyi okugenda ne ttiimu y’eggwanga ey’abali wansi w’emyaka 20 (The Hippos).

Kuba703422 703x422

Omutendesi wa KCCA FC, Mike Mutebi

Lwamukaaga mu z’Afrika;

South Sudan - Uganda

Leero mu Uganda Cup;

Kitara - KCCA FC, 10:00 e Hoima

Mutebi ku Lwokuna yategeeza nga bwatagenda kukiriza bazannyi be Allan Okello ne Julius Poloto kugenda South Sudan, The Hippos gy’egenda okudding’anira ne bannyinimu mu z’okusunsulamu abalizannya ez’Afrika ez’abatasussa myaka 20.

Leero (Lwamukaaga), KCCA ettunka ne Kitara FC mu gwa Stanbic Uganda Cup, omupiira Mutebi gwe yagambye nti mukulu nnyo eri ttiimu ye era yeetaaga abazannyi be bonna okubeerawo.

Nga Hippos tennasitula eggulo (Lwakutaano) okwolekera ekibuga Juba gy’egenda okuttunkira ne South Sudan, abazannyi bano beeyanjudde mu nkambi e Lubowa era omutendesi Matia Lule n’awera nga bw’agenda okulwana okulaba nga ttiimu ye eyitawo okugenda ku luzannya oluddako. The Hippos yawangula ogw’oluzannya olwasooka e Lugogo bwe yakuba South Sudan (The Bright Stars) ggoolo 5-1.

“Tukimanyi nti South Sudan egenda kulwana okulaba ng’ekyusa ebyali e Lugogo wabula tuli bulindaala okugiremesa kuba ttiimu yaffe yajjudde ate abazannyi bonna bamalirivu okuwangula,” Lule bwe yategeezezza nga ttiimu tennasitula eggulo (Lwakutaano).

Singa Hippos eyitawo, yaakusisinkana Cameroon ng’anaayitawo, y’anaagenda mu z’akamalirizo e Niger mu February w’omwaka ogujja.

Abazannyi abaagenze; Said Keni, Paul Willa, Robert Kitabalwa, Mustafa Mujjuzi, Geoffrey Wasswa, Abubaker Kasule, Julius Poloto, Allan Okello, Frank Tumwesigye, Joshua Okiror ne Steven Mukwala. Abalala ye; Denis Otim, Bashir Asiku, Fred Okot, Saddam Masereka, Faizal Ssekyanzi, Hamis Tibita ne Salim Kyobe.

Beegattiddwaako abatendesi 3; Matia Lule n’abamyuka be; James Odoch ne Sam Kawalya.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...