TOP
  • Home
  • Ebyemizannyo
  • Ekisaawe ky'oku Kadiba e Namirembe kyakuwemmenta obuwumbi 15

Ekisaawe ky'oku Kadiba e Namirembe kyakuwemmenta obuwumbi 15

By Musasi wa Bukedde

Added 26th April 2018

OMULIMU gw’okuzimba ekisaawe eky’omulembe ekya Kadiba mu munisipaali y’e Lubaga, gutandika essaawa yonna oluvannyuma lwa FUFA ng’eri wamu n’obulabirizi bw’e Namirembe okugutongoza.

Kisa 703x422

Ekisaawe ky'oku Kadiba nga bwe kigenda okulabika nga kiwedde.

Omukolo gw’okutongoza okuzimba ekisaawe kino ekigenda okutuuza abantu 20,000, gwakoleddwa pulezidenti wa FUFA, Moses Magogo wamu ne Vicar Rev. Festo Kalungi okuva mu Bulabirizi bw’e namirembe nga beegatitddwaako minisita Florence Nakiwala Kiyingi era emisoso gyonna egyetaagisa omulimu okutandika gyawedde.

FIFA YAWEEREZZA SSENTE

"Omulimu gugenda kutandika kubanga FIFA ensimbi yaziweerezza ne kkampuni egenda okugukola yagukwasiddwa.

Ekisaawe kigenda kuyamba Cranes mu kutendekebwa kyokka era n’abantu b’ekitundu n’eggwanga lyonna bajja kukikozesa," Magogo bwe yategeezezza.

Yayongedde nti Gianni Infantino, pulezidenti wa FIFA eyasimba ejjinja ku kisaawe kino lwe yakyala mu Uganda mu February 2017, ayagala nnyo ekisaawe kino kizimbibwe era abadde amubuuza ku buli mutendera omulimu kwe gutuuka.

Ibrahim Kabugo agenda okukulira bayinginiya abagenda okukola omulimu agamba nti kyabaliriddwa okuwemmenta obukadde bwa doola 4 n’emitwalo 40 (mu za Uganda 15, 400,000,000/-) era kisuubirwa okuggwa mu myaka ng'esatu (3).

Ng’oggyeeko ekisaawe ekirina paviriyoni ey’omulembe, kugenda kubaako ekirabo ky’emmere, ebisulo bya ttiimu, ekifo awakebererwa ebiragalalaga, jiimu ne paakingi ya mmotoka eziwera 100.

Ettaka lino lyaweebwayo obulabirizi bw’e Namirembe okuzimbako ekisaawe eky'omulembe.

Magogo awan diise oluyimba Mu ngeri y’emu, Magogo yawandiise oluyimba olwatongozeddwa ku Lwokubiri okubeera oluyimba lwa FUFA olutongole okwefaananyirizaako olwa FIFA oba CAF ezikubwa nga ttiimu ziva mu busenge.

Olwa FUFA, lwakukubibwanga ku mikolo gya FUFA ne ku fayinolo y’empaka z;omupiira zonna ezitegekebwa FUFA.

FUFA era yatongozza bendera yaayo egenda okubeera enjeru ng’erimu akabonero kaayo wakati nga nayo egenda kwewuubiranga ku ofiisi z’omupiira okwetooloola eggwanga lyonna.

More From The Author

Emboozi z’omuwandiisi endala

Emboozi endala

Omusumba Kiganda avuddeyo ku bya...

OMUSUMBA David Kiganda owa Christian Focus Centre anenyezza gavumenti okusirika obusirisi netebaako ky’ekola ku...

Abazirwanakonabengandazaabwengabakwasaabamagyeempapulazaabwewebuse 220x290

Abadduka mu magye temugenda kusiimibwa...

Abaazirwanako baakusekera mu kikonde oluvannyuma lw'okuwandiisibwa mu ngeri gye bagambye nti ebawadde essuubi okulyaku...

Carbond0023scmyk7034221 220x290

Gav't ereese etteeka eriwera okutunda...

GAVUMENTI ereese etteeka erigenda okuwera okuleeta muno emmottoka enkadde.

Leka 220x290

Omuyizi eyafiiridde mu kidiba kya...

ENGERI omuyizi wa Perfect Primary School e Kulambiro gye yafiiridde mu kidiba omuwugirwa ekya Kiwaatule Recreation...

Fbimg15631781511232 220x290

Buubuno obukwakkulizo Bobi Wine...

OBUKWAKKULIZO Bobi Winebw’atadde ku Chameleone bwaddiridde enkiiko ez’enjawulo aba People Power ze baatuuzizza...