TOP

Al Ahly etuuyanidde e Namboole

By Musasi wa Bukedde

Added 16th May 2018

ENDUULU y’abawagizi ba KCCA FC yasaanikidde Namboole olwa ggoolo Saddam Juma gye yateebedde ttiimu ye nga bawangula Al Ahly eya Misiri (2-0) mu CAF Champions League eggulo.

3254884922133602186817427407823647835947008n 703x422

KCCA 2-0 Al Ahly (Egypt)

Ggoolo eno yateebeddwa mu ddakiika ey’e 72 kyokka teyakomye kuyamba KCCA kukulembera mupiira guno, wabula yabadde makula kuba Sadam Juma yasindiridde ennyanda omupiira ne guyita ku mukwasi wa ggoolo ya Al Ahly ng’essasi ne gutoola akatimba.

Ggoolo eyeefaananyirizaako bweti era Saddam ye yakuba FUS Rabat mu mpaka ze zimu omwaka oguwedde e Lugogo mu mupiira gwe ogwasooka nga yakeegatta ku KCCA.

Nga bamaze okuteeba, omutendesi wa KCCA, Mike Mutebi yakizudde ng’abazannyi ba Al Ahly bwe bakooye n’aggyamu Muhammad Shaban gwe yasikizza Paul Mucureezi era yabadde yakaamalamu eddakiika mbale ne bafuna ggoolo eyookubiri eyamaze eggobe mu kibya.

Eno, Timothy Awany ye yagiteebye ng’ayita mu kusimula peneti oluvannyuma lwa Saad Samir eyabadde mu kisenge kya Al Ahly okutomera Derrick Nsibambi mu bbookisi.

Al Ahly, abakyasinze ebyafaayo ebirungi mu ttiimu z’Afrika, baagutandise bulungi era mu ddakiika y’e 22, baafunye peneti kyokka Charles Lukwago eyabadde mu ggoolo ya KCCA FC n’agikwata.

Al Ahly yazzeemu okunyigiriza era mu ddakiika ya 31, Marwan Mohsen yafunye omukisa oguteeba wabula omupiira yagutuuseeko kikeerezi nga Lukwago agukutte.

Yayongedde okusamba omupiira gwayo ogwokulabagana nga bwe beetala ekisaawe kyokka ng’enzannya yaayo y’akimpoowooze ekyawadde KCCA amaanyi.

Al Ahly yatuuka ku fayinolo y’empaka zino omwaka oguwedde kwe yakubirwa Wydad Cassablanca ate ng’ekikopo kino yaakakiwangula emirundi emingi (8). Mu kibinja kye balimu, kati Al Ahly y’ekoobedde.

Mutebi yatenderezza omutindo ttiimu ye gwe yazannyiddeko n’ategeeza nti omwaka guno tebagenda kwetaba bwetabi mu mpaka zino wabula bateekwa okuva mu kibinja. KCCA yewezezza obubonero 3.

More From The Author

Emboozi z’omuwandiisi endala

Emboozi endala

Whatsappimage20180524at21944pm 220x290

Mbega wa ISO kata bimubugume ne...

MBEGA w’ekitongole kya ISO atwala disitulikiti okuli Mukono, Buikwe, Kayunga ne Buvuma, Maj. Moses Ssegujja yasimattuse...

St1buk250518 220x290

BUKEDDE W’OLWOKUTAANO YAFULUMYE...

Mulimu ebipya ku batta abawala omuli obujulizi obubalumiriza kyokka nga butiisa.

Save 220x290

Museveni ayogedde ku bawamba abawala...

Pulezidenti agambye nti abatemu abawamba abawala ne babatta babafunzizza era gwe basembyeyo okukwata yabadde n’emirambo...

Whatsappimage20180524at20027pm 220x290

Abadde alimbalimba omuyizi wa S.4...

Emirimu gisannyaladde okumala akaseera mu ppaaka enkadde mu kibuga Kampala abagoba ba takisi abakolera ku siteegi...

Isabeti4 220x290

Yeemulugunyizza ku mutindo gwa...

OMUTEDENSI wa KIU Henry Kyobe akukkulumidde akakiiko akaddukanya omuzannyo gwa Beach Soccer olw’enzirukanya etamatiza...