TOP

Mutebi ayogedde lwaki yasudde Shaban

By Musasi wa Bukedde

Added 10th June 2018

Mutebi ayogedde lwaki yasudde Shaban

Hip2 703x422

Mike Mutebi

ABAWAGIZI ba KCCA ababadde beebuuza lwaki omuteebi waabwe Muhammad Shaban teyalabiseeko ku fayinolo ya Uganda Cup, omutendesi Mike Mutebi abazzeemu bw’agambye nti ye takolagana na bamawale. Eggulo (Lwamukaaga), abawagizi ba KCCA baagenze e Bukedea nga balina essuubi mu Shaban nti yanakulembera olugoba oluteebi oluvannyuma lwa Derrick Nsibambi okuba nga yatundiddwakyokka kyababuuseeko bwatalabiseeko.

Mutebi yategeezezza nti yakoma okulaba Shaban bwe baali balemagana ne Police (2-2) e Namboole mu gwasembayo mu liigi nga n’okutuusa kati tamanyi bimufaako wadde nga yamulabyeko e Lugogo ng’alina (Shaban) b’ali nabo. “Shaban alowooza nti wa kitalo nnyo ekitali kituufu, ttiimu yaffe terina budde bwa kumalira ku muzannyi omu ng’ate eby’okukola bingi. Shaban yagenda talina gw’abuulidde gy’alaze akabonero akalaga obunyoomi,” Mutebi bwe yategeezezza.

Yagasseeko nti KCCA si ttiimu ya ‘bamawale’ na bakyetwala era Shaban w’addira e Lugogo waakuweebwa ekibonerezo ekikakali. Shaban okwegatta ku KCCA yava mu Onduparaka mu makkati ga sizoni ewedde, kyokka waasooka kubaawo kusika muguwa wakati wa ttiimu zombi era ensonga zaggweera mu FUFA. Sizoni eno, Shaban ateebedde KCCA ggoolo za liigi 13. Bukedde bwe yayogeddeko ne Shaban yagambye nti, kooci okugamba nti yeebulankanyizza kikyamu kuba yalwalira ku Cranes nga bali e Niger n’atuma Ivan Ssewanyana (omusawo wa Cranes ne KCCA) amutegeeze ku buvune buno. “Nalwala dokita alaba era ne mmutuma ang’ambire kooci kyokka simanyi lwaki agamba nti teyamanya.

Nneebuuza nnyo lwaki buli lwe ng’amba nti ndi mulwadde tebakkiriza,” Shaban bwe yeebuuzizza Bwe yabuuziddwa lwaki teyeetuukira n’annyonnyola omutendesi, yazzeemu nti, “ Ennamba y’essimu ya kooci sigirina bwe mba nnina kye nneetaaga njogera ne kooci Badru Kaddu. Lwe nasembye okugenda e Lugogo, nawulidde boogera nti saagala kuzannya Vipers era y’ensonga lwaki siriiwo naye ebyo nze si bye ndiko,” Shaban bw’annyonnyola. Eggulo KCCA yattunse ne Vipers ku fayinolo ya Uganda Cup.

More From The Author

Emboozi z’omuwandiisi endala

Emboozi endala

Wana 220x290

Kadaga agumizza Bannayuganda abali...

SIPIIKA Rebecca Kadaga asisinkanye Bannayuganda ababeera e Switzerland n’abasomooza okuweereza ezimu ku ssente...

Daki 220x290

Nnansi w'olubuto gwe baapacca oluyi...

DOKITA omusajja agambibwa okukuba omukazi omuzaalisa eyali olubuto oluyi ng’amulanga kulagajjalira omulwadde...

Mbu 220x290

Tubalinze mu Mbuutu y’Embuutikizi...

Abayimbi abagenda okuyimba mu kivvulu kya Bukedde FaMa Embuutu y’Embuutikizi kalakata bakoowodde abaddigize okujja...

Yamba 220x290

Anannyamba okukulaakulanya ekitone...

Kati oyagala mukazi atya? Eyeetegese okukola obufumbo, ow’obuvunaanyizibwa, alina ne ku ssente anaasobola okunyambako...

Gala 220x290

Nnoonya omusajja atazaalangako...

Oyagala mwami alina bisaanyizo ki? Njagala omwami atazaalangako, alina eddiini, omwetegefu okugenda mu bakadde...