TOP

Nigeria bw’ekubwa esiibula

By Musasi wa Bukedde

Added 22nd June 2018

NIGERIA erina okuwangula Iceland leero (Lwakutaano) mu gw’ekibinja D okwewala okugoberera Misiri ne Morocco, ttiimu za Afrika ezaasoose okuwanduka mu World Cup.

Supereagles50303 703x422

Lwakutaano mu World Cup;

Nigeria - Iceland, 12:00

Mu gwasooka, Nigeria yakubwa Croatia ggoolo 2-0 ekitegeeza nti bw’etewangula Iceland, yaakuwanduka.

Iceland, ttiimu nzibu nnyo era mu mupiira ogwaggulawo, yabuzaako Argentina ya Lionel Messi obwekyusizo okukkakkana nga balemaganye ggoolo 1-1.

Kino kitadde Nigeria mu kaseera akazibu okugolola ensobi ze yakola ku Croatia sikulwa nga bagikuba ng’ezizzeemu.

Iceland nayo obuwanguzi obwetaaga okutangaaza emikisa gyayo egiva mu kibinja D era egamba nti olaba yasobola okukkakkanya Argentina ejjuddemu bakafulu, olwo ate Nigeria!

Wadde ng’eno ye World Cup ya Iceland esoose mu byafaayo, omutendesi waabwe Heimir Hallgrimsson, agamba nti tebalina bwe bajja kunnyonnyola bawagizi singa banaakoma mu kibinja era bagenda kufiira ku Nigeria bafune wiini.

Wabula ne Gernot Rohr, atendeka Nigeria agamba nti notisi ezikuba Iceland yaziwadde dda abazannyi be era alinze ssaawa yokka.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...