TOP

Ogwa Senegal gusitudde ebikonge

By Musasi wa Bukedde

Added 24th June 2018

Ogwa Senegal gusitudde ebikonge

Kaw1 703x422

Bungereza - Panama, 9:00

Japan - Senegal, 12:00

Poland - Colombia, 3:00

OMUPIIRA gwa leero (Ssande) ogw’ekibinja H wakati wa Senegal ne Japan, guwalirizza n’abali mu bifo ebinene mu mawanga gombi okugubeerako. Ttiimu zombi zaawangula emipiira gyazo egyasooka mu kibinja nga Senegal yakuba Poland (2-1) ate Japan n’ekuba Colombia ku ggoolo ze zimu.

Awangula ogwa leero, atangaaza emikisa egiva mu kibinja. Pulezidenti wa Senegal, Macky Sall yaleseewo emirimu gye n’ajja e Russia abeewo ng’omujulizi ng’eggwanga lye liteeka ekigere ekisooka mu luzannya lwa ttiimu 16. Mu 2002 nga Senegal ekuba Bufalansa (1-0), Sall yali omu ku baali mu kisaawe nga balaba omupiira ogwo.

OMUMBEJJA ASITUKIDDEMU Takamado, omumbejja w’e Japan ng’ono akola ng’omuyima w’ekibiina ekitwala omupiira mu ggwanga eryo, naye talutumiddwa mwana. Yasooka kulabwako ku Lwokuna mu kibuga Kazan ng’eno Japan gye yakuba enkambi. Guno mulundi gwakubiri ng’alaba World Cup eno kuba yasooka kulaba mupiira Japan kwe yakubira Colombia e Ekaterinburg Ssande ewedde.

OBUKODYO BWA TTIIMU Wadde nga ttiimu zombi zaasemba okusisinkana mu September wa 2003, Senegal n’ewangula (1- 0), ogwa leero gwe mupiira Senegal gw’egenda okusooka okusisinkana amawanga agava ku ssemazinga Asia mu World Cup.

Sadio Mane teyalabika nnyo mu mupiira gwa Poland, obukujjukujju bwe ng’ali ku mupiira busuubirwa okuwa Japan obuzibu. “Omupiira ogwasooka gwatuwa obuzibu naye twaguwangula wabula leero tugenda kuteekawo buli kakodyo akanaatusobozesa okuwangula,” Aliou Cisse omutendesi wa Senegal bwe yagambye. Okufaananako ne Senegal, Japan nayo eri mu kweyubula wabula ng’ekyalina olugendo kuba bangi ku bazannyi beerina mu World Cup eno bakuliridde.

Keisuke Honda, Shinji Kagawa, Shinji Okazaki ne Maya Yoshida bonna balina obumanyirivu. Japan nnungi mu kukuuma n’okukwatirira omupiira era nga kino kiyinza okuwa Senegal obuzibu “Tetugenda kukkiriza Senegal kutujooga kuba naffe tulina abazannyi abalungi abasobola okuwangula omupiira guno,” Makoto Hasebe, kapiteeni wa Japan bwe yagambye.

More From The Author

Emboozi z’omuwandiisi endala

Emboozi endala

Bre 220x290

Aba Miss Uganda batongozza okugaba...

Aba Miss Uganda batongozza okugaba paadi mu masomero ng'erimu ku makubo okumalawo ekizibu ky'abayizi abawala abayosa...

Lukyamuziwebuse 220x290

Mukozese ekisiibo okwezza obuggya...

Abayizi bakubiriziddwa okukozesa ekisiibo kino okwenenya olwo bafune obulamu obulungi.

Gattako 220x290

Hosni Mubarak owa Misiri yafudde...

EYALI Pulezidenti wa Misiri, munnamagye Hosni Mubarak, bannansi gwe baanaabira mu maaso ne bamumaamula ku ntebe...

St14 220x290

Obululu bwa Stambic Uganda Cup...

Obululu bwa Stambic Uganda Cup bukwatiddwa

Got12 220x290

Emmotoka z'empaka zizzeeyo e Jinja...

Emmotoka z'empaka zizzeeyo e Jinja