TOP
  • Home
  • Ebikonde
  • Oweebikonde eyafiiridde mu miguwa aziikiddwa

Oweebikonde eyafiiridde mu miguwa aziikiddwa

By Musasi wa Bukedde

Added 4th July 2018

ABAZANNYI n'abawagizi b’ebikonde mu ggwanga bakyali mu kiyongobero olw'omutendesi, Mustafa Katende eyafiiridde mu miguwa ku Mmande, bwe yakubye omutwe ku ttaka.

Ow 703x422

Omugenzi Katende

Bano baayisizza obubaka obw'enjawulo ku mikutu gya yintanenti egy'enjawulo, ate abalala ne beeyiwa mu maka ge agasangibwa e Kyengera, nga buli omu awoza kimu nti; tekikkirizika.

Katende 35, abadde mutendesi wa ‘Police Boxing Club’, era y'omu ku baagiyambye okusitukira mu kikopo kya ‘National Boxing Intermediates’ ku mutendera gw’abakulu ku Ssande. Yazannyirako ne ttiimu y'eggwanga ' The Bombers', sso ng'era abadde azannya 'pulo'.

Okusinziira ku Dan Kasole gw'abadde akola naye, Katende yakedde ku makya n'agenda mu ggiimu e Kibuli we batendekera abaana.

Oluvannyuma yasabye eyaliko nnakinku mu kuggunda ehhuumi, Ayub Kalule amuwe ku bukodyo nga yeetegekera olulwana olubadde olw'okubeerawo nga July 30 e Poland.

"Mu kugezaako okukasuka ekikonde, yatalantuse n'akuba omutwe ku ttaka, ne tumutwala mu ddwaaliro e Nsambya gye baatutegeerezza nti afudde," Kasole bwe yannyonnyodde.

YAWONA OKUFA AMASASI

Mu 2008 Katende yakubwa amasasi mu kugulu ng’agezaako okutaasa banne abaali beekalakaasa olw’oluguudo lwa Nateete ku ttaano oludda mu Kinaawa Kyengera olwali olubi ennyo.

Amasasi agaamukubwa kata gamuggye ne ku bikonde era yamala ebbanga ng’apooca n'ebiwundu okutuusa mu 2010 lwe yaddamu okuzannya. W'afiiridde ng'azannye ennwaana 13 eza ‘pulo’, kw'awangudde 9 n’okukubwa 4. Yaziikiddwa eggulo e Kibibi mu Butambala.

MUTO WE YAFIIRA MU KISAAWE

Katende, okufiira mu miguwa kireeseewo ababyanguya okutandika okunonooza nti wandibaawo ekibalondoola, kuba ne muto we, Farouk Katende Bogere yafa mu ngeri y'emu.

Mu 2014, Bogere, eyali azannyira Kyengera FC ey'ekibinja ekisooka mu liigi ya Lubaga, yagwa n'akutukira mu kisaawe kya Mugwanya Summit College erisangibwa e Kyengera.

Wabula Hajji Juma Nsubuga, omu ka bafamire yagambye nti wadde enfa y'abaana bano yeefaanaanyiriza, tewali kibalondoola.

"Katende yafiirdde ku mulimu, ate nga ne muto we yafa mu ngeri y'emu, naye tewali kyetaagisa kunonooza. Ezo ntegeka za Katonda, era tetulina kwemulugunya kwonna," Nsubuga bwe yagambye.

More From The Author

Emboozi z’omuwandiisi endala

Emboozi endala

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.

Barnabasnawangwe703422 220x290

Makerere University esabye Gav't...

YUNIVASITE y’e Makerere esabye gavumenti egyongere obuwumbi 47 ziyambe mu kukola ku by’okusasula emisaala gy’abakozi...

29243df2f7bc3e5c325b36c37a17a53dc8cb3ab9 220x290

Eyali Pulezidenti yeekubye essasi...

EYALI Pulezidenti wa Peru, Alan García 69, yeekubye essasi ne yetta poliisi bw’ebadde egenda okumukwata ng’emuvunaana...

Pros 220x290

Gavt. ereeta etteeka ku mobile...

GAVANA wa Bbanka Enkulu mu Uganda, Emanuel Tumusiime Mutebile agambye nti, Gavumenti egenda kuleeta etteeka ku...

Cardinal 220x290

Kalidinaali Wamala ayogedde ku...

KALIDINAALI Emmanuel Wamala ayogedde ku mbeera y’obulamu bwe n’ategeeza nti, talina kimuluma kyonna okuggyako obukadde....