TOP
  • Home
  • Ebyemizannyo
  • She Cranes okutendekebwa ekuggye e Namboole lwa kisaawe kukaluba

She Cranes okutendekebwa ekuggye e Namboole lwa kisaawe kukaluba

By Stephen Mayamba

Added 5th July 2018

SHE CRANES ttiimu y’eggwanga ey’okubaka ekyusiza okutendekebwa kwayo n’ekuza e Lugogo okuva e Namboole lwa kisaawe kya ‘koransi’ kukaluba ekitiisiza omutendesi Vincent Kiwanuka olw’abazannyi okufunanga obuvune.

Shecranes5 703x422

Hindu Namukasa (ku kkono) ng'alwanira omupiira ne Jesca Achan mu kutendekebwa kwa She Cranes e Namboole ku Lwokubiri. Omutendesi Vincent Kiwanuka yasabye UNF ne bakyusa okutendekebwa ne bakuza e Lugogo ng'atidde abazannyi okufuna obuvune. (STEPHEN MAYAMBA)

She Cranes yatandise okutendekebwa ku Mmande nga June 26 okwetegeka ng’eyagala okweddiza empaka za African Netball Championships ezigenda okuyindira e Lusaka mu Zambia wakati wa August 13 ne 18.

Empaka zino ze zigenda okukola ng’ezokusunsulamu z’empaka z’ekikopo ky’ensi yonna eza Netball World Cup 2019 ezigenda okubeera e Bungereza mu kibuga Liverpool.   

Africa egenda kukiikirirwa amawanga 4 okuli South Africa ne Malawi abali mu bifo omukaaga ebisooka mu nsengeka za INF (International Netball Federation) ekibiina ekiddukanya okubaka mu nsi yonna agayisemu obutereevu okusinziira ku nsengeka ezafulumiziddwa ku ntandikwa ya wiiki eno.

Gano gakwegatibwaka amawanga amalala abiri aganasinga mu mpaka z’ e Zambia.     

Abazannyi 19 be bali mu kutendekebwa okw’ermirundi ebbiri ku makya n’olweggulo era nga mu bani mwe mujja okulondebwa 11 abajja okwegatibwako kapiteeni Peace Proscovia azannyira e Bungereza okuweza 12 ab’okutwalibwa mu mpaka mu nkambi eya wiiki emugye basuubira okukuba e Zambia okusobozesa okumanyiira embeera.  

More From The Author

Emboozi z’omuwandiisi endala

Emboozi endala

Bujingo2703422 220x290

Bugingo ennyumba gye yazimbidde...

OMUSUMBA Aloysius Bugingo akudaalidde abantu ababadde balowooza nti, enju ye gaggadde gy’azimbira omugole Susan...

Lab2703422 220x290

Aba Ssebulime balangidde minisita...

FAMIRE ya Ronald Ssebulime banyiivu olwa kye baayise Minisita Nantaba okwongera okubalaata n’atuuka n’okujaguza...

Tta 220x290

Nantaba awadde Museveni amannya...

MINISTA Idah Erios Nantaba akaabidde mu kusaba mw’agambidde nti abaagala okumutta bali mu Gavumenti mwennyini era...

Lumba 220x290

Abadde afera abaagala Viza bamuyodde...

KITUUFU Kampala si bizimbe. Abantu basula bayiiya ng’ate abalala bafera bannaabwe okuba obulungi.

Kola1 220x290

Empeta za bba wa Babirye zibuzaabuza...

ABALONZI b’omubaka Paul Musoke Ssebulime owa Buikwe County North era bba w’omubaka omukazi owa Buikwe bali mu kwewuunaganya...