TOP

Nkumba esiimye USPA

By Herbert Musoke

Added 13th July 2018

Nkumba esiimye USPA

Kam1 703x422

Abazannyi n'abatendesi baabwe nga bajaganya n'ekirabo kya USPA.

TTIIMU ya yunivasite y'e Nkumba eya volleyball, etenderezza omuzinzi oguli mu birabo bya Nile Special – USPA Awards, ebiweebwa bannabyamizannyo abasinze mu mwezi, n’aboomwaka.

Kapiteeni waabwe, Astreede Agaba agambye nti okuwangula obuzannyi bwa June, kye kimu ku byabawadde amaanyi n’okwekkiririzaamu okuwangula zaabu mu mpaka za yunivasite za Afrika ezaabadde mu Ethiopia.

“Twafuna essanyu lingi nga USPA etulonze ku buzannyi bwa June, era kyatuwadde amaanyi okuwangula zaabu mu z'Afrika, era omudaali gwaffe gwe gumu ku gya zaabu e 16 Uganda gye yafunye okuwangula empaka ezo," Agaba bwe yategeezezza ku kijjulo kya Nile Special – USPA Monthly Awards ku wooteeri ya Imperial Royale.

Ttiimu eno yalondebwa oluvannyuma lw'okusitukira mu mpaka za 'Rwanda Genocide Championships’, ezaategekebwa Rwanda, okujjukira ekittabantu ekyaliyo mu 2004. Abalala abaakwasiddwa ebirabo kuliko; ttiimu ya Cricket Cranes eyatwala ekya May, olw’okuwangula empaka za ICC Cricket Division 4, n’omuddusi Joshua Cheptegei, eyawangula emidaali gya zaabu ebiri mu mizannyo gya Commonwealth egyali mu Australia mu April.

USPA eri mu kwetegekera ntujjo ya Nile Special – USPA Gala kwe banaakwasiza bannabyamizannyo abasinze mu buli muzannyo mu 2017 ebirabo, wamu n'okuttikira oyo anywedde mu bannaabwe akendo mu mwaka gwonna, nga July 20

More From The Author

Emboozi z’omuwandiisi endala

Emboozi endala

Paska 220x290

Mukoka asse omukadde

Ekikangabwa kibuutikidde abatuuze ku kyalo Kaliisizo South mu Kalisizo Town Council mu disitulikiti y'e Kyotera,...

Fari1 220x290

Laba amaziga g’essanyu.

Munnakatemba era omuzannyi wa firimu Faridah Ndausi bamukoledde akabaga k'amazaalibwa nga takasuubira, akaabye...

Mbarara City ekutte Nkata ku nkoona...

Brian Ssenyondo akomezeddwawo okutwala Mbarara City mu maaso oluvannyuma lw'okukwata Nkata ku nkoona.

Buloba1 220x290

Blick afunzizza engule y'ezaakafubutuko...

Blick kati abuzaayo empaka za mirundi 2 (Kapeeka ne Boxing day)okulangirirwa nga kyampiyoni w'ezaakafubutuko....

Img3804webuse 220x290

Ekivvulu kya Toto kiri mu ggiya...

Ekivvulu ky'abaana ekya ToTo ekitegekebwa Vision Group kyengedde nga kati olwa December 8 lwe lulindirirwa lwokka...