TOP

Lubega 'Vegas' akomyewo awera

By Musasi wa Bukedde

Added 14th July 2018

Omuggunzi w’ehhuumi, Joey 'Vegas' Lubega, asuubizza okumalira ku Karama Nyilawila (Tanzania), ekiruyi ky’okukoma ku munaabo, bwe yasubwa omukisa gw’okweddiza omusipi gw’ensi yonna ogwa WBC.

Deal 703x422

Eddie Bazira (ku kkono), owa kkampuni ya Baltic essa mu Lubega ensimbi, Lubega, maneja wa A and B Promotions, Acram Iga ne Andrew Matovu kitunzi waayo.

Lubega yasinzidde mu kutongoza olulwana lwe ne Nyilawila, ku wooteeri ya Kati-Kati e Lugogo, n'agamba nti ennaku Ryno Liebenberg enzaalwa ya South Afrika gye yamulabya mu 2015 ng'amulemesa okweddiza omusipi gwa WBC gwe yalina mu kiseera ekyo, temuvanga ku mwoyo, era kino kye kiseera okugyenaazaako.

Lubega ne Nyilawila bwakubeefuka nga August 25 mu kisaawe kya Hockey e Lugogo nga balwanira omusipi gw’ensi yonna ogwa ‘Universal Boxing Organisation’ mu buzito bwa ‘Cruiser weight’, mu nnwaana 12.

“Sigenda kukkiriza Mutanzania kunjoogera mwaffe, ate nga siri mwetegefu kuddamu kusubwa kuwangula musipi nga bwe gwali mu 2015 ” Lubega bwe yagambye.

Lubega yaakeetaba mu nnwaana 39 kw'awangudde 23, okulemagana 3 n’okukubwamu 13, sso nga Nyilawila wa nnwaana 46, awanguddeko 28 ng'akubiddwa 18.

Lubega yasembye okuzannya mu December w'omwaka oguwedde, bwe yakubwa Arsene Aziev (Russia) n’okulemagana ne Kenny Egan owa Ireland.

Waakubeerawo ennwaana endala okuli olwa Nickolas Bbule ne Hudson Muhumuza abagenda okulwanira omusipi gwa Uganda mu buzito bwa ‘Heavy’, Meddie Ssebyala attunke ne Tonny Onyango (Tanzania), Shadir Musa ne David Ssemuju, Yusuf Babu ne Joseph Owino n'abalala.

More From The Author

Emboozi z’omuwandiisi endala

Emboozi endala

Nnasale 220x290

Omusomesa wa King Fahad asobezza...

POLIISI ekutte omusomesa w’essomero lya King Fahad Islamic Primary School e Nateete nga kigambibwa nti yasobezza...

Kwiini 220x290

Nnabe agudde mu Bwakabaka bwa Bungereza:...

NNABE agudde mu bwakabaka obusinga amaanyi mu nsi yonna, Kkwiini wa Bungereza bw’awummuzza mutabani we ow’ekyejo...

Kola 220x290

Museveni awabudde ku bakukusa ebyamaguzi...

PULEZIDENTI Museveni awabudde ebitongole by’omusolo ku lukalu lwa Africa ku byamaguzi ebikukusibwa. Abiwadde amagezi...

Genda 220x290

King Micheal ne Big Eye bagudde...

King Micheal ne Big Eye bagudde mu bintu. Pulezidenti Museveni abawadde buli omu ente 30.

Visionagmndijjo2 220x290

Abalina emigabo mu kkampuni ya...

Abalina emigabo mu kkampuni ya Vision Group basiimye enkulaakulana etuukiddwaako omwaka guno.