TOP

Uganda esindise 29 mu za Africa Youths Games e Algeria

By Silvano Kibuuka

Added 17th July 2018

Kiraabu y’emisinde eya Uganda Prisons y’ewangudde emisinde gy’eggwanga egya National Championships y’esitukidde mu mpaka z’eggwanga ezifundikidde sizoni ya 2018 bw’ekung’anyizza obubonero 298 nga mu basajja efunye 143 ate abakazi be baleeta 155.

Tira 703x422

Kiraabu y’emisinde eya Uganda Prisons y’ewangudde emisinde gy’eggwanga egya National Championships y’esitukidde mu mpaka z’eggwanga ezifundikidde sizoni ya 2018 bw’ekung’anyizza obubonero 298 nga mu basajja efunye 143 ate abakazi be baleeta 155.

Eddiriddwa Police abaakiwangula omwaka oguwedde ku bubonero 286 nga mu basajja bafunye 112 ate abakazi ne bafuna 174 olwo ab’ekitongole ekikuuma ebisolo ekya Uganda Wildlife Authority ne bafuna 133 nga mu basajja bafunye 86 ate abakazi 47.

Mu misinde gino omuddusi wa Police Shida Leni alaze omutindo ogweyongedde bw’amenye likoda y’eggwanga mu misinde gya mita bina enfunda bbiri.

Asoose kumenyawo likoda gye yateekawo mu mwezi gwa April mu Commonwealth Games mu Australia eya sikonda 52:47 n’ateekawo eya 52:40 wabula gy’amenyewo akawungezi nga kat empya ya 52:15.

Leni agambye nti kati atunuulidde mpaka za Africa mu Nigeria nga August 1-5 era nga yeesunga kusindanako n’abanene ba Africa naddala okuva mu Mozambique ne Nigeria.

Abaddusi abalala abalaze essajja kwe kuli Benjamin Kiplagat adduka nga bw’abuuka obusenge n’okugwa mu mazzi bw’akomyewo oluvannyuma lw’omwaka mulamba ng’ali mu buvune.

Kiplagat agambye nti aluubirira kuddayo mu mutindo kubanga y’alina likoda y’eggwanga.

Abaddusi 300 okuva mu kiraabu 22 be basindanye mu misinde gino egimaze ennaku bbiri mu kisaawe kya Mandela National Stadium e Namboole.

“Sizoni ebadde nnungi nga tufuniddemu abaddusi abalinyisizza talanta,” Pulezidenti wa UAF, Dominic Otuchet bw’ategeezezza.

UAF kati bazzaako mpaka za kuwalampa nsozi ez’eggwanga nga bwe beetegekea ez’ansi yonna nga ezitegekeddwa e Kapchorwa nga bwe beetegekera eza MTN Marathon  eza 2018.

More From The Author

Emboozi z’omuwandiisi endala

Emboozi endala

Sit2 220x290

Omugagga akubye omutemu n’amusuuza...

Omugagga akubye omutemu n’amusuuza emmundu

Sev2 220x290

Museveni atabukidde Katikkiro Mayiga...

Museveni atabukidde Katikkiro Mayiga ku by'emmwaanyi

Det2 220x290

Teddy afulumizza ekiwandiiko ku...

Teddy afulumizza ekiwandiiko ku bya bba Bugingo

Kop2 220x290

Owa bodaboda gwe baakuba ennyondo...

Owa bodaboda gwe baakuba ennyondo alojja

Lap2 220x290

Eyatuga owa bodaboda asonze ku...

Eyatuga owa bodaboda asonze ku munene gw’akolera