TOP

Esperance yampadde essomo - Mutebi

By Musasi wa Bukedde

Added 19th July 2018

OMUTENDESI wa KCCA , Mike Mutebi akkirizza nti Esperance yabayinze obuzito bwe baabadde battunka mu gwa CAF Champions League ku Lwokubiri.

Mike 703x422

Mike Mutebi, atendeka KCCA FC

Esperance 3-2 KCCA July 28 mu za Afrika e Namboole KCCA - Esperance (Tunisia)

Mutebi, yagambye nti abazannyi be baazannye bulungi ne bakulembera omupiira era nga basobola n’okuguwangula kyokka baatuuse ekiseera ne balemererwa olw’obutaba na bumanyirivu.

Mu ddakiika ey’e 17, Jackson Nunda yateebedde KCCA ggoolo eyasoose ng’omuzibizi wa Esperance, Khalil Chemmam tanneeteeba mu ddakiika ya 21.

Oluvannyuma lwa ggoolo zino KCCA teyazzeemu kufuna buweerero okutuusa Anice Badru ne Saad Bguirmu bwe baateebedde Esperance mu ddakiika eya 30 n’eya 37 olwo omupiira ne guwummula maliri (2-2).

“Twazannye bulungi kyokka obutaba na bumanyirivu kyatuyiyeeyo. Waliwo emikisa gye twafunye nga twetaaga kukozesa bukugu okugiteeba ne kitulema,” Mutebi bwe yategeezezza.

Mutebi yakozeemu enkyukakyuka n’aggyayo, Gift Ali gwe yasikizza Isaac Kirabira.

Ono yamugasseeko Patrick Kaddu mu kifo kya Muhammad Shaban ne Hassan Musana eyazze mu kya Allan Okello. Badding’ana Lwamukaaga lwa wiiki ejja nga July 28.

Wabula Mutebi yagambye nti bagulinamu enkizo kuba bagenda kubeera Namboole gye baakubira Al Ahly (2-0).

Yalabudde nti Esperance esuubire okusanga akaseera akazibu mu gw’okudding’ana kuba agenda kutereeza ensobi ezabakubizza era n’asuubiza abawagizi okubawa essanyu mu mupiira guno.

More From The Author

Emboozi z’omuwandiisi endala

Emboozi endala

Walk 220x290

Batankanye enfa ya Bannayuganda...

POLIISI ebakanye n’okunoonyereza ku gimu ku mirambo gya Bannayuganda egyakomezeddwaawo okuva mu Buwarabu gye bafi...

Title 220x290

Kayihura bamutaddeko nnatti obutalinnya...

GAVUMENTI ya Amerika eweze eyali omuduumizi wa poliisi, Gen. Edward Kale Kayihura okulinnya ekigere mu ggwanga...

Pala 220x290

Ebya Nagirinya biyingiddemu omukazi...

POLIISI eyongedde okugaziya okunoonyereza kwayo mu kutemula Maria Nagirinya, bwegguddewo fayiro ku mukyala omu...

Rermanamakula 220x290

Rema amalirizza okugula eby’omukolo...

OMUGOLE Rema Namakula akomyewo okuva e Buyindi ne mu Butuluki na ssanyu era agamba tewali ayinza kwekiika mu mukolo...

Img20190831wa0235209984377320145757 220x290

Ebikwata ku kusoma kwa Sebunya...

HAMZAH Sebunya, bba wa Rema omupya yasooka kukuguka mu by’okukebera omusaayi mwe yatikkirwa dipulooma mu November...