TOP
  • Home
  • Ebyemizannyo
  • Abawala 12 bagenze Mozambique kukiikirira Uganda mu za Baseball

Abawala 12 bagenze Mozambique kukiikirira Uganda mu za Baseball

By Musasi wa Bukedde

Added 7th August 2018

EKIBINJA ky'abazannyi 12 abatasussa myaka 18 be bagenze e Mozambique okukiikirira Uganda mu mpaka za U18 African Women Basketball Championship ezitandika ku Lwokutaano luno nga 10-19 mu kibuga Maputo.

Ttiimuesiibuddwa1 703x422

Kkooki wa ttiimu Mavita Ali (asooka ku kkono) ng'ali n'abazannyi abagenze

Bya GERALD KIKULWE

Uganda yayiseewo okuzannya mu empaka z’Afrika oluvannyuma lw’okumalira mu kifo ekyokubiri mu mpaka za Regional  Zoon V U18 East African  Championship ezaayindidde e Tanzania omwezi oguwedde, nga Rwanda  ye yeetikka empaka zino ku nsi 4 ezeetabamu  era ababiri bano be bagenda okukiikirira olukalu lwa East Africa.

Uganda yaakubbinka n’ensi 9 okuli Mozambique abategesi, Cote D’evoire, Angola, Algeria, Rwanda, Tunisia, Zimbabwe ne Mali abalina ekikopo ky’Afrika kino.

Ambrose Tashobya Pulezidenti w’ekibiina ekifuga omuzannyo gwa Basketball yakuutidde abazannyi okugenda okuvuganya so ssi kwetaba mu mpaka  bwe baba baakukomawo n’obuwanguzi wamu n’okusitula bbendera ya Uganda ku ntikko.

“Guno omukisa gw’ammaanyi  gye muli abaana b’obuwala kuba  kuzibuka amaaso gaabwe okutandika okutunula mu maaso era eby’omuzannyo bikome wano mugende muteekewo okuvuganya era mudde n’obuwanguzi ate mwolese empisa ennungi.” Tashobya bwe yategeezezza.

Guno mulundi gwa kusatu Uganda okwetaba mu mpaka zino ng’ogwasooka 2008 tebaava mu kibinja, 2016 bakwata kifo kya 8 nga ku luno baagala kucuusa byafaayo.

ABAGENZE

Agatha Kamwada, Bronnie Kusiima, Aisha Namakula, Winnie Alice Isoto, Fildauce Namulema, Bridget Aber, Shadia Mbwali, Ramurah Nakato, Patience Mauso, Martha Nandutu, Emilly Katurina Nerima ne Aziidah Nabayunga.

More From The Author

Emboozi z’omuwandiisi endala

Emboozi endala

Funayo 220x290

Abantu 15,000 basuliridde kusengulwa...

ABATUUZE basoba mu 15,000, abali ku ttaka eririko enkaayana mu munisipaali y’e Njeru e Buikwe emitima gikyabeewanise...

Talingirizakakozibakolanebesasulawebuse 220x290

Gwe ayagala okulekulila omulimu,...

By'olina okutegeka nga tonnalekulira mulimu oleme okwejjusa ng'otuuse mu nsi

Bugingo 220x290

Bugingo bamuyise ku poliisi ne...

PAASITA Aloysius Bugingo avudde ku poliisi ya CPS mu Kampala nga bimusobedde olw’obukwakkulizo poliisi bwe yamutaddeko...

Linda 220x290

Paasita Serebe aleppuka na bbanja...

OMUSUMBA w’Abalokole Bp. Stuart Serebe owa Christian Heritage Church esangibwa e Mbuya yattulukuse entuuyo nga...

Anita 220x290

Bebe Cool aleese amaanyi: Atuusizza...

OMUYIMBI Bebe Cool aleese amaanyi!, Nga yaakamala okutuusa kapyata ekika kya Land Cruiser V.* ZX Model 2019 gy’agamba...