TOP

She Cranes esitudde okugenda e Zambia

By Musasi wa Bukedde

Added 9th August 2018

She Cranes esitudde okugenda e Zambia

Ras1 703x422

She Cranes ng'estulaokugenda e Zambia leero

Bya Gerld Kikulwe
 
AMYUKA Ssaabawandiisi wa National Council of Sports(NCS) Dr.Benard Ogwel asiibudde ttiimu y’eggwanga ey’okubaka okugenda e Zambia n’abafalaasira okuzza ekikopo ku butaka ate n’okwesogga ekikopo ky’ensi yonna.
 
Ekibinja ky’abazannyi  12 basiibuddwa okugenda okukiikirira Uganda mu mpaka za African Netball Championships 2018 ezigenda okuyindira mu kibuga Lusaka e Zambia wakati wa August 13 ne 19 oluvannyuma lw'okumala wiiki ssatu mu nkambi e Lugogo  era wano Dr.Ogwel we yasinziiridde n’abakuutira okuzannya nga bali wamu okulaba nga bakomyawo kye baawangula omwaka oguwedde.
 
She Cranes ng’esitula mu kiro ekikeesa olwokuna mu nnyonyi ya Ethiopian Airlines yaakubbinkana n'ensi 7 okuli Kenya, Namibia, Botswana, Malawi, Zimbabwe ne Zambia abategesi era empaka zino ze zigenda okukola ng’ezokusunsulamu abaneetaba mu z’ensi yonna eza Netball World cup 2019 ezigenda okutegekebwa Bungereza mu kibuga Liverpool.
 
“She Cranes ezze ekola erinnya era kati twagala mugende muteekewo okuvuganya okulaba nga tukomyawo ekikopo kyaffe,tusiguukulule Malawi mu kifo ekyokubiri mu Africa ate twesogge ne World Cup naye nga kino mulina kikola nga muli kitole,” Ogwel bwe yategeezezza.
 
Uganda abalina ekikopo ky’okubaka bakwta kifo kya kusatu emabega wa South Africa ne Malawi mu Afrika ate mu nsi yonna ekwata kya 6.

More From The Author

Emboozi z’omuwandiisi endala

Emboozi endala

Kab1 220x290

Katikkiro asoomoozezza Stanly Ntangali...

Katikkiro asoomoozezza Stanly Ntangali ku lulimi oluganda

Hib2 220x290

Ab'olulyo olulangira bakoze bulungibwansi...

Ab'olulyo olulangira bakoze bulungibwansi

Kab2 220x290

Desabre ayogeeyoge kati tulinze...

Desabre ayogeeyoge kati tulinze kawoowo

Deb2 220x290

Nneekolera ebigimusa okuva mu muddo...

Nneekolera ebigimusa okuva mu muddo ogunneetoolodde

Kat2 220x290

Alunda enkoko ez’ennyama n’amagi...

Alunda enkoko ez’ennyama n’amagi weekwate ekirungo kya ‘INTRACO