TOP

Basena y’anazza SC Villa ku maapu?

By Hussein Bukenya

Added 11th August 2018

ESSANYU katono litte abawagizi ba SC Villa ttiimu yaabwe bwe yawangudde URA (1-0) mu mpaka za ‘Pilsner Super 8’ ku Lwokuna.

3899621013902142377901499178163468795117568n 703x422

Mu Pilsner Super 8; SC Villa 1-0 URA

Ekyasinze okunyumira abawagizi gwe mupiira ogw’akawoowo Villa gwe yazannye ogwalese abawagizi nga bagamba nti ttiimu eriwo esinga eya sizoni ewedde.

Obuwanguzi buno, bwayambye Villa okwesogga semi z’empaka zino era abawagizi baavudde e Namboole n’essuubi nti ttiimu yaabwe egenda kuvuganya ku bikopo bya sizoni eno.

Mu ttiimu eyakubye URA, Ambrose Kirya yekka ye yabaddemu sizoni ewedde.

Bakira abawagizi bayimba ennyimba ezisuuta abazannyi n’omutendesi Moses Basena nga bagamba nti bwe bagendera ku mutindo guno, ajja kubawa essanyu. Ggoolo ya Villa yateebeddwa Ajab Abraham mu kitundu ekisooka.

BASENA YE MULOKOZI WA VILLA?

Omutindo gwa Villa gwalese bangi beebuuza oba nga y’anaabeera omununuzi wa Villa.

Ttiimu eyaliwo sizoni ewedde, kumpi yonna yagenda era abazannyi abaliwo kati, Basena yalonderedde balonderere n’akola ttiimu.

Abazannyi okuli; Bernard Muwanga, Nicholas Kasozi, Godfrey Lwesibawa, Martin Kizza n’abalala baayabulidde Villa.

Ekyolekedde Basena mu kaseera kano nga liigi tennatandika kwe kulaba ng’abazannyi bongera okussa obukodyo bwe mu nkola basobole okuwangula liigi.

Guno gwe gwabadde mupiira gwa Basena ogusooka mu ttiimu eno sso nga gwe gwasoose bukya akakiiko ak’ekiseera akakulemberwa Ying. William Nkemba kakwata buyinza.

Basena yagambye nti musanyufu olw’omutindo ttiimu ye gwe yalaze n’asuubiza okwongera okuwawula abazannyi bano batuuke mu liigi nga basaza kimu.

“Abantu basuubire okulaba ku bitone ebirala kuba ntegese ttiimu egenda okubawa essanyu. Ndi musanyufu olw’abazannyi bange nga bazannyira ku biragiro gye nabawadde,” Basena bwe yagambye.

Pulezidenti wa FUFA, Ying. Moses Magogo, Edgar Watson akulira emirimu mu FUFA, Sebastien Desabre omutendesi wa Cranes n’abakungu abalala omupiira guno baagulabye.

More From The Author

Emboozi z’omuwandiisi endala

Emboozi endala

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.

Barnabasnawangwe703422 220x290

Makerere University esabye Gav't...

YUNIVASITE y’e Makerere esabye gavumenti egyongere obuwumbi 47 ziyambe mu kukola ku by’okusasula emisaala gy’abakozi...

29243df2f7bc3e5c325b36c37a17a53dc8cb3ab9 220x290

Eyali Pulezidenti yeekubye essasi...

EYALI Pulezidenti wa Peru, Alan García 69, yeekubye essasi ne yetta poliisi bw’ebadde egenda okumukwata ng’emuvunaana...

Pros 220x290

Gavt. ereeta etteeka ku mobile...

GAVANA wa Bbanka Enkulu mu Uganda, Emanuel Tumusiime Mutebile agambye nti, Gavumenti egenda kuleeta etteeka ku...

Cardinal 220x290

Kalidinaali Wamala ayogedde ku...

KALIDINAALI Emmanuel Wamala ayogedde ku mbeera y’obulamu bwe n’ategeeza nti, talina kimuluma kyonna okuggyako obukadde....