TOP

Urban TV ewagidde ekikonde kya Joe ‘Vegas’ Lubega

By Herbert Musoke

Added 12th August 2018

KKAMPUNI ya Vision Group ng’eyita mu mukutu gwayo ogwa Urban TV yeegasse ku kkampuni ya A&B Promotions okutegeka olulwana lw’ebikonde olutuumiddwa Beyond Boarders Survivor Series olw’omulundi ogwokubiri.

Bikonde 703x422

Lubega (ku kkono) ng’akakasa abaamawulire ku Lwokutaano.

Abakubi b’ebikonde bagenda okulwanira emisipi ebiri era mu lukung’aana lwa bannamawulire olutudde ku Pike House ku kitebe kya Vision Group, Nicholas Bbuule aweze okuwuttula Hadson Muhumuza ku musipi gwa Uganda Heavy Weight Championship sso nga Joe ‘Vegas’ Lubega naye awera okufukirira Omutanzania William Kamanyire eng’uumi asitukire mu musipi gwa Cruiserweight Championship.

Acram Yiga, pulezidenti wa A&B Promotions, yagambye nti emisipi gino gyakkiriziddwa UBO ne UPBC.

“Twagala okulaba nga twongera okuzimba ebitone mu bikonde nga tutandikira ku mutendera ogusooka,” Yiga bw’agamba. Ennwaana zino zaakubeera Lugogo nga baakuttunka mu lawundi 12 nga August 25.

Wabula waakusookawo abaggya abalabi ekifu ku maaso; Muhamed Ssebyala ng’alwana ne Rathan, Solomom Bogere ne Julius Mponge n’abalala.

Desire Atugumisirize, kitunzi wa Urban TV yagambye nti baakulanga olulwana luno ate n’abalabi ba ttivvi eno, baakufuna omukisa okululaba.

Atugumisirize yagambye nti baagala kutumbula bikonde bamanyise abantu nti omuzannyo gusobola okuzimba eggwanga.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...