TOP
  • Home
  • Ebikonde
  • Ennyonta y'omusipi Vegas Lubega waakugimalira ku Mutanzania

Ennyonta y'omusipi Vegas Lubega waakugimalira ku Mutanzania

By Musasi wa Bukedde

Added 25th August 2018

EMYAKA giweze ena bukya Joey ‘Vegas’ Lubega, omuggunzi w’ehhuumi, akoma ku munaabo gw’okusitukira mu musipi gw’ensi yonna ogwa 'WBC Inter-Continental Light Heavy'.

Lubeganyilwila 703x422

Lubega ne Karama

Lwamukaaga mu UBO World Cruiser weight Title e Lugogo

Joey Vegas Lubega (Ug) ne Karama Nyilawila (Tz).

Ebisale: 20,000/-, 50,000/-, Emeeza 1,500,000/'

Ku mulundi ogwo, Ryno Liebenberg (South Afrika) yamukuba 'tonziriranga' mu laawundi eyookubiri mu kibuga Johannesburg Lubega akomyewo mu miguwa leero (Lwamukaaga) mu kisaawe kya hockey e Lugogo, n’ekiruyi, era agamba nti ennyonta gy'alina waakugimalira ku Mutanzania Karama Nyilawila, nga balwanira omusipi gw’ensi yonna ogwa ‘UBO Cruiser Weight’.

“Nyilawila njagala kumwanguya era sisuubira kumusussa laawundi yaamukaaga, "Lubega bwe yagambye.

Olulwana luno lwakulagibwa layivu ku Urban TV eya Vision Group, efulumya ne Bukedde.

Lubega ajja mu lulwana luno nga wa nnwaana 39 kw'awangudde 23, amaliri emirundi esatu, n’okukubwa emirundi 13.

Nyilawila wa nnwaana 46 awanguddeko 28 ng’akubiddwa 18. Ennwaana endala ezigenda okusookawo kuliko olwa Nicholas Buule ne Edson Muhumuza, Solomon Bogere ne Julius Mukose, ssaako Meddie Ssebyala ne Ramadan Omar.

Mu ngeri y'emu, ttiimu y’eggwanga ey'abatasussa myaka 18 (Junior Bombers) ekomawo leero ku Lwomukaaga okuva mu mpaka z’ensi yonna mu kibuga Budapest ekya Hungary.

Abazannyi basatu; Reagan Musoke (Fly) John Fisher Odoch (L/ Fly) ne Muhamad Bunya Mazida be baakiikiridde Uganda, wabula bonna baawanduddwa Abazungu Sukthet Sarawut, Noa Jezek ne Khasmetov Maksud.

More From The Author

Emboozi z’omuwandiisi endala

Emboozi endala

A1 220x290

Ekyabadde mu ntujjo ya ‘Floral...

Ekyabadde mu ntujjo ya ‘Floral & Cocktail Party’ e Munyonyo ebyana gye byalagidde emisono n’emibiri nga bwe balya...

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...