TOP
  • Home
  • Ebikonde
  • Joey Vegas Lubega atimpudde Omutanzania n'awa Bannayuganda essanyu

Joey Vegas Lubega atimpudde Omutanzania n'awa Bannayuganda essanyu

By Silvano Kibuuka

Added 26th August 2018

Joey Vegas Lubega awadde bannayuganda essanyu bw’awangudde omusipi gw’ensi yonna ogw’omutendera gwa Universal Boxing Organization (UBO) mu buzito bwa Cruiser Weight (kiro 86) ng’akubye Karama Nyilawila owa Tanzania ebikonde ebimubuzizzaako bwekyusizo n’amuwangulira mu lukontana olwokutaano.

Profboxinglubegabukeddeweb9 703x422

Joey Vegas Lubega awadde bannayuganda essanyu bw’awangudde omusipi gw’ensi yonna ogw’omutendera gwa Universal Boxing Organization (UBO) mu buzito bwa Cruiser Weight (kiro 86) ng’akubye Karama Nyilawila owa Tanzania ebikonde ebimubuzizzaako bwekyusizo n’amuwangulira mu lukontana olwokutaano.

Nyilawila yagaanyi okudda mu nsiike mu lukontana olwomukaaga nga baabadde bagenda kuzannya 12.

Yasoose okumusuula ku ttaka mu lukontana olwokuba n’asituka n’amuzzaako mu lwokutaano nga buli mulundi ddiifiri Abdu Kaddu Sabata amubalira n’asituka nga tanaba kutuuka ku 10.

Ebikonde bino bibadde ku kisaawe kya Hockey Ground e Lugogo mu kiro ekikeesezza leero nga bitegekeddwa aba A and B Promotions.

Mu nwana endala, Nicholas Buule awangudde engule y’eggwanga esooka bw’akubye Hudson Muhumuza abadde nayo okuva mu 2012 wabula nga tagitaasanga.

Kyokka engule agifiiriddwa lwa kuzannyisa ttima ng’akuba Buule ebikonde ng’ali ku ttaka ddiifiri Jackson Mugwanya n’abiyimiriza.

Mu nwana endala, Solomon Bogere akubye Julius Mponge tonziriranga mu lukontana olwokusatu, Muhammad Sebyala b’akuba Ramathan Omari owa Tanzania tonziriranga mu lukontana olusooka ate Brian Wassajja n’akuba Sula Katumba ku bunonero ne Saidi Chako n’awangula Joseph Sentongo mu ngeri y’emu.

Abayimbi Rema Namakula wamu ne Fik Fameica be baavamudde abawagizi b’ebikonde n’emiziki.

 

More From The Author

Emboozi z’omuwandiisi endala

Emboozi endala

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...

Remagrad2 220x290

Rema alangiridde bw’addayo ku yunivasite...

REMA Namakula alangiridde nga bw’agenda okuddayo ku yunivasite e Kyambogo amalirize diguli ye omwaka guno oluvannyuma...