TOP

Aba mmotoka beewagira z'e Hoima

By Ismail Mulangwa

Added 4th September 2018

Abavuzi ba mmotoka z'empaka 31 bakakasizza okwetaba mu mpaka za 'UMOSPOC Kabalega Rally' ezigenda okubeera e Hoima ku weekendi eno

Ssebugusiweb 703x422

Leone Ssenyange (ku kkono) ne Ronald Ssebuguzi mu mpaka z'e Mbarara sizoni ewedde. Baamalira mu kyakubiri

OLUVANNYUMA lw’abavuzi ba mmotoka z’empaka 31 okukakasa okwetaba mu mpaka za UMOSPOC Kabalega Rally wiikendi eno, abavuzi ab’enjawulo batandise okuwera nga bwe bagenda okulabya bannaabwe ennaku.

 

Ronald Ssebuguzi, omu ku bavuganya ku ngule y’eggwanga (NRC), yategeezezza nga bw’akyali ku kigendererwa ky'okusitukira mu ngule eno nti era mwetegefu okufaafaagana n'omuntu yenna aneekiika mu kkubo lye.

 

“Omusomi wa maapu wange, Leon Ssenyange yalambudde amakubo, era yantegeezezza nti tewali we tutasobola kuyita. Tubadde tetukola bulungi e Hoima naye ku luno batwerinde,” Ssebuguzi bwe yagambye. Omwaka oguwedde yamalira mu kyakuna.

 

Ssenyange  yategeezezza nti, " Mu makubo mulimu awaseerera, aweetaagisa okudduka ennyo n’awetaagisa okwegeendereza, naye nze ndi mwetegefu okuyisaawo dereeva wange okutuusa nga tuwangudde empaka.”

Jas Mangat y'akulembedde n'obubonero 305, n'addirirwa Ssebuguzi (290), Susan Muwonge (240), Unissan Bakunda (204) ne Kepher Walubi n'abeeramu kyokutaano ku bubonero 180.

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam