TOP

USPA eronze She Cranes ne Kiplimo

By Silvano Kibuuka

Added 4th September 2018

Bannamawulire abawandiika ag’emizannyo balonze ttiimu ya She Cranes (ey’eggwanga ey’okubaka) ku bizannyi bw’omwezi gwa August nga bagisiima okuwangula empaka za Africa wamu n’okuyitamu okuzannya mu z’ensi yonna ezinabumbujjira mu kibuga Liverpool mu Bungereza omwaka ogujja.

Uspamonthlyassembly2sept32018 703x422

Pulezidenti wa USPA aliko Sabiiti Muwanga ng'aliko by'annyoyola ba mmembe ku woteeri ya Imperial Royale Hotel Sept 3 2018. Ku ddyo ne ,Sept 3 2018. Ku ddyo ye Mmemba wa USPA omu ku baagitandikawo. (ekif:Silvano Kibuuka)

Abakyala bano mamezze ttiimu y’omupiira eya bamusaayimuto eya Cubs U-17 eyawangudde empaka za CECAFA ez’emyaka egyo ezaabadde mu ggwanga lya Ethiopia nga baayiseemu okuzannya mu za Africa.

She Cranes ewangulidde ku bubonero 325 ku 305 wakati mu kuvuganya mu lutuula lwa bannamawulire olubadde ku Imperial Royale Hotel mu Kampala.

Bannamawulire era awatali kwetemamu balonze omuddusi Jacob Kiplimo ku buzannyi bwa July nga bamusiima okuwangulira Uganda omudaali gwa feeza mu mpaka z’ensi yonna ez’abali wansi w’emyaka 20 eza World Youth Championships ezaabadde mu ggwanga lya Finland.

Basiimye n’omukubi w’ebikonde Joey Vegas Lubega eyawangulidde Uganda omusipi gwa UBO ogw’ensi yonna mu buzito bwa Cruiserweight (kiro 86) bwe bakubye Karama Nyirawira owa Tanzania mu nsitaano eyabadde e Lugogo.

Bagasseeko ttiimu ya KAVC eya Volleyball eyawangudde empaka ezeetabiddwamu amawanga agawerako e Lugogo nga baamezze ttiimu ya Rwanda.

More From The Author

Emboozi z’omuwandiisi endala

Emboozi endala

Koma 220x290

BUKEDDE W’OLWOKUTAANO AFULUMYE...

Tukulaze engeri gye baakutte Bobi Wine e Ntebe okumuleeta e Kampala. Eby’afande Kirumira poliisi ebiyingizzaamu...

4218619822279454041062156863652704476987392n 220x290

Abantu beeyiye mu maka ga Bobi...

ABANTU beeyiye mu maka ga Bobi Wine e Magere okumwaniriza.

Kirumiramuhammad 220x290

Amagye gakutte owa Flying Squad...

AMAGYE gakutte omuserikale wa Flying Squad agambibwa okuba mu by’okutemula Afande Muhammad Kirumira.

131736705311775037218421032422864993791094n 220x290

Omusajja gwe baakwatidde ewa Kirumira...

Francis Mayengo omusuubuzi wa sipeeya e Lubowa ku lw’e Ntebe okumpi ne Roofings yakwatiddwa bambega ba poliisi...

Unai 220x290

Emery asonze ku muzannyi gw'agenda...

Banega, muwuwuttanyi era Arsenal yeetaagayo omuzannyi anaaggumiza amakkati.