TOP

Aba KIU bayomba mu liigi ya Yunivasite

By Musasi wa Bukedde

Added 5th September 2018

ABAZANNYI ba KIU mu Pepsi Universite League bayomba olw’abaddukanya eby’emizannyo mu Yunivasite eno okubasuulirira nga kati beetendeka bokka oluvannyuma lw’omutendesi waabwe okusuulawo ttawulo gye buvuddeko.

Abazannyibakiungabeekozesatuleyiningi1 703x422

Bya GERALD KIKULWE

Egizannyibwa wiiki eno

MUBS – YMCA(Leero)

UMU – IUIU(Lwakutaano)

UCU – Kumi(Lwamukaaga)

Bugema – Gulu(Ssande)

KIU yakoze amaliri ga ggoolo 1-1 ku lwokubiri mu kisaawe e Nsambya mu mupiira gwabwe ogw’agguddewo ekitundu kya sizoni ekyokubiri mu kibinja D wabula ng’abazannyi bagamba nti n’okufuna akabonero kano Katonda yazizza bibye kuba babadde tebatendekebwa, ebikozesebwa tebalina, omutendesi waabwe Herbert Tsama yabaddukako kyokka baagala okusigala mu Liigi eno naye embeera eyinza obutabaganya singa be kikwatako tebasitukiramu.

Abazannyi abasangiddwa ku Kisaawe e Nsambya nga bagezaako okwekwanyakwanya nga bayambibwako omusomesa Jeff Akabwai ne Kapiteeni waabwe Jonnathan Ogwanga bagamba nti ku luno Yunivasite yaabwe ebadde n’omukisa okwesogga oluzannya lwa “Quarter” wabula beeraliikirivu nti kiyinza obutasoboka.

“Yunivaste yaffe emaze ebbanga nga teva mu kibinja lwa butakwatagana obuli mu bukulembeze bw’eby’emizannyo kye nsuubira nti kye kyaviiridde omutendesi waffe okuleka omulimu, wabula ffe tugenda kukola kye tusobola  naye embeera si nnungi,” Ogwanga Kapiteeni wa KIU bwe yagambye.

Omusomesa Jeff Akabwai agamba nti anyumirwa nnyo eby’emizannyo era y’ensonga lwaki yakwatiddwaako okuyambako abavubuka bano naye ng’asuubira nti embeera ejja kudda mu nteeko.

“Tuleyiningi tugikoledde ennaku bbiri zokka,essaala yaffe kwe kuwangula emipiira ebiri egisigaddeyo okutuuka ku “Quarter” olwo ate tulabe ekiddako,” Akabwai bwe yategeezezza.

KIU eri mu kifo kya 3 n’obubonero 4 mu kibinja D, UMU y’ekikulembedde n’obubonero 8, IUIU 6 ne Bishop Stuart obubonero.

More From The Author

Emboozi z’omuwandiisi endala

Emboozi endala

Bi 220x290

Bebe Cool agenze mu Amerika kusakira...

Bebe Cool agenze mu lukung’ana lw’ekibiina ky’amawanga amagatte (UN) kusakira balwadde bakafuba ssente za bujjanjabi....

Abasuubuzingabalimukatalekakirekamainmarketwebusebig 220x290

Mutuzimbire akatale akali ku mutindo...

Akatale ka myaka 90 wabula tekalina mifulejje wadde bakasitoma we bayita.

Kyotera1 220x290

Abazadde balumbye essomero lw'abaana...

POLIISI e Kyotera eggalidde dayirekita w’essomero lya Kyotera Infant Pri.Sch, ne Heedimasita w’essomero lino ng...

Mulironnyumba2 220x290

Omuliro gw'okyezza enju y'omusawo...

NABBAMBULA w’omuliro asaanyizzaawo amaka g’omusawo ebintu bya bukadde ne bitokomoka okubadde n’emmotokka.

Preg1webuse 220x290

Nkole ntya okwewala omwenge kuba...

Olubuto lunjoyesa omwenge naye mmanyi gwa bulabe eriomwana ali munda. Nkole ntya okugwewala?