TOP
  • Home
  • Ebirala
  • Serena Williams alidde obuwuka ku fayinolo y'empaka za ttena eza US Open

Serena Williams alidde obuwuka ku fayinolo y'empaka za ttena eza US Open

By Musasi wa Bukedde

Added 10th September 2018

Serena Williams ayombye olw'okumusaliriza ku fayinolo ya US Open.

Williams 703x422

Serena Williams nga yeemulugunya eri ddiifiri.

Olutalo lwa Serena Williams akyagenda mu maaso n’okukukkulumira abakulira omuzannyi gwa ttena olwa ye kye yayise obusosoze.

Omumerika Serena yakubiddwa Omujapan Naomi Osaka ku bugoba 6-2, 6-4 ku fayinolo ya US Open kyokka empaka zino zaggweeredde mu kuyomba.

Serena yayise umpire (omu ku baalamudde fayinolo), Carlos Ramos omubbi ng’amulumiriza okumusaliriza.

Entabwe yavudde ku Ramos kulumiriza Serena nti omutendesi we Patrick Mouratoglou yabadde amubbira notisi ng’azannya, ekikontana n’amateeka ga ttena era n’awa Osaka akabonero.  

 erena illiams yasonze olunwe mu ddiifiri nga munyiivu Serena Williams yasonze olunwe mu ddiifiri nga munyiivu.

 

Ekyaddiridde ye Serena okusonga olunwe mu ddiifiri ng’amubuuza lwaki amusaliriza.

Yalumirizza n’okumusosola ng’agamba nti omuzannyo gwa ttena gutiitiibya nnyo abasajja okusinga abakazi.

Yagambye nti abasajja bangi bakola ebintu ebikontana n’amateeka kyokka ne batabonerezebwa kyokka omukazi lw’akikoze ne bagafuula omusango.

Oluvannyuma lw’okukubwa, Serena yazze mu mbeera n’ayozaayoza Osaka olw’obuwanguzi.

Osaka yawangudde engule ya US Open omulundi ogusoose mu byafaayo.

More From The Author

Emboozi z’omuwandiisi endala

Emboozi endala

Lev1 220x290

Omuyimbi Abel Chungu Musuka mutaka...

Omuyimbi Abel Chungu Musuka okuva e Zambia ali mu ggwanga.

Bamboowebuse 220x290

Newumbe ekyama yakizuula mu mabanda...

Bwe nalaba amabanda nga mangi ewaffe e Mbale ne nnoonyereza kye nyinza okugakolamu ne nfuna ssente era nazuula...

Roja 220x290

Slick Stuart ne DJ Roja bogedde...

Slick Stuart ne DJ Roja bakafulu mu kutabula ekyuma mu ggwanga balaze ebibafudde ba Dj ab’enjawuulo.

Na1 220x290

Ebya Don Nasser bibi.

Don Nasser bomwonoonedde! akwattiddwa poliisi ku misango gy'obufere.

Mushroomharvestingwebuse 220x290

Asigala awaka lima obutiko weegobeko...

Omukyala akooye okutoolerwako n'okulangirwa ssente z'akameeza weekwate okulima obutiko tojja kwejjusa