TOP
  • Home
  • Ebikonde
  • Kiraabu ya COBAP ewangudde ekikopo ky'ebikonde

Kiraabu ya COBAP ewangudde ekikopo ky'ebikonde

By Musasi wa Bukedde

Added 11th September 2018

Kiraabu ya COBAP essukkulumye ku zinaayo 12, n'esitukira mu kikopo kya 'Rubaga Division Inter - Club Tournament'

Boxingweb 703x422

Vincent Lubega owa COBAP (ku kkono) ng'awumiza Umar Mayanja owa Malalo.

KIRAABU ya ‘COBAP Boxing Club’ emmezze endala 12 n’esitukira mu kikopo kya ‘Rubaga Division Inter-Club Boxing Tournament’

Empaka zaabadde mu jjiimu ya kiraabu eno esangibwa e Lubya mu ggombolola y'e Lubaga.

Abazannyi abaayambye COBAP okuwangula kuliko; kapiteeni Wasswa Bawa, Vincent Lubega, Ronald Gayita, abalongo David Kato ne Robert Wasswa, era bonna baawangudde ennwaana zaabwe zonna.

Lawrence Kalyango, omutendesi wa ttiimu eno wamu n’ey'eggwanga eya The Bombers, yagambye nti empaka zaabayambye okuwawula omutindo gw’abazannyi abeetegekera empaka ez’enjawulo.

Kkansala wa Lubaga mu lukiiko lwa KCCA, Abubaker Kawalya, yawadde kiraabu ezeetabye mu mpaka giravuzi  100 ezibalirirwamu 5,000,000/-, n’asaba abazannyi okuba eky’okulabirako mu bitundu byabwe nga beewala okwenyigira mu bumenyi bw’amateeka.

Kiraabu endala ezeetabye mu mpaka kuliko; Sakku, Kawaala, Malalo, Nakulabye Boxing Academy, Makerere n’endala.

 (FRED KISEKKA)

More From The Author

Emboozi z’omuwandiisi endala

Emboozi endala

Kasibante2 220x290

Omubaka Kasibante atereezezza obufumbo...

MOSES Kasibante omubaka wa Lubaga North atereezezza amaka, bw’ayanjuddwa mu kitiibwa ku mukolo ogwetabiddwaako...

Jmcweb 220x290

Kyetume ekutudde JMC Hippos

Kyetume evudde emabega n'ewangula JMC Hippos mu Big League mu ddakiika ezisembayo

Joshuaweb 220x290

Cheptegei ataddewo likodi ng'awangula...

Joshua Cheptegei ataddewo likodi y'ensi yonna empya, ng'awangula kiromita 15 mu misinde gya 2018 NN Seven Hills...

2016manujoseshout1 220x290

Veron ayogedde lwaki ManU evumbeera...

Veron akubye ebituli mu kisanja kya Mourinho mu ManU.

Afcon16 220x290

Olugendo lwa Uganda Cranes okugenda...

Olugendo lwa Uganda Cranes okugenda mu AFCON2018 e Cameroon.