TOP

Aba Cricket bawera kudda na kikopo

By Silvano Kibuuka

Added 13th September 2018

Ttiimu y'eggwanga eya Cricket egenze e South Afrika ng'ewera kudda na kikopo mu mpaka za T-20 Uganda ze yeetabyemu omulundi ogusooka.

Cricketweb 703x422

Katende (ku ddyo) ng'asiibula ttiimu y'eggwanga eya Cricket

TTIIMU y’eggwanga eya Cricket Cranes ey’abasajja egenze South Afrika ng’ewera kukomawo na kikopo mu mpaka za T-20 Uganda ze yeetabyemu omulundi ogusooka.

Uganda era eyagala kweyambisa mpaka zino okuwawula abazannyi nga beetegekera empaka za ‘ICC World Cricket Division 3’, ezigenda okubeera mu Oman mu November.

Omumyuka wa ssaabawandiisi wa NCS avunaanyizibwa ku by’ekikugu, David Semakula Katende, y’akwasizza ttiimu eno bbendera y’eggwanga n’asiima aba Cricket olw'okukolanga obulungi nga bakiikiridde eggwanga.

“Aba cricket mulina omulamwa era singa buli kibiina kya mizannyo kikola nga mmwe, eggwanga lyandibadde wala,” Katende bwe yategeezezza.

Ye kapiteeni Roger Mukasa yagambye nti: “Abazannyi beetegese, era tutunuulidde kukomawo na buwanguzi”.

Abazannyi abalala abagendedde ku ttiimu ye; Brian Masaba, Hamu Kayondo, Dinesh Nakrani, Deus Muhumuza, Riyazat Shah, Henry Ssenyondo, Frank Nsubuga, Kenneth Waiswa, Fred Achelam, Charles Waiswa ne Bilal Hassun.

Amawanga ageetabye mu mpaka kuliko; Nigeria, Kenya, Zimbabwe ne Namibia.

 

 

More From The Author

Emboozi z’omuwandiisi endala

Emboozi endala

Know 220x290

Baze yanjiira asidi lwa kumugaana...

OBUTABANGUKO mu maka kimu ku bizibu ebiyuuya obufumbo mu ggwanga. Abakazi be basinga okukosembwa embeera eno era...

Laga1 220x290

Bwe nnafuna olubuto lw'abalongo...

NZE Ritah Byeganje, 25, ndi mutuuze mu Katoogo zooni mu muluka gwa Bwaise III e Kawempe. Nasinsinkana ne muganzi...

Yamba 220x290

Baze bwe yayingirira eby'okusamize...

EBIKOLWA by’okusamira n’okukozesa ebyawongo kimu ku bivuddeko obufumbo bw’ensangi zino okutabanguka.

Abakungubanrmmuofiisiyacaojamesnkataabaakulembeddwardcfredbamwineasookakuddyowebuse 220x290

RDC w’e Mukono akulembeddemu kaweefube...

Abakulembeze e Mukono bavuddeyo ku byobugagga bya disitulikiti y'e Mukono ebigambibwa okutundibwa

Abazaddenabongabavuganyamumpakazokuddukanolondaakapapulaobweddaobulimuebiraboebyenjawulowebuse 220x290

Abazadde bawangulidde abaana baabwe...

Omukulu w'essomero akakoze bw'addizza abazadde ebirabo n'abaleka nga bamutenda omwoyo gw'okuddiza