TOP
  • Home
  • Mupiira
  • Arsenal ne Spurs ziswamye Bailly owa ManU

Arsenal ne Spurs ziswamye Bailly owa ManU

By Musasi wa Bukedde

Added 11th October 2018

Omuzannyi ono baamugula mu Villarreal eya Spain mu 2016.

2016manubailyentrophy 703x422

Bailly ng'asitudde ekikopo kya Carabao Cup kye baawangula mu 2016.

ARSENAL ne Spurs ziswamye omuzibizi wa ManU, Eric Bailly agambibwa nti waakwabulira ttiimu ye ku nkomerero ya sizoni eno.

Omuzannyi ono, takyakolagana bulungi n’omutendesi we Jose Mourinho era emipiira egisinga agitandikira ku katebe oba obutazannyira ddala.

Nga bawangula Newcastle ggoolo 3-2 wiikendi ewedde, Bailly yaguzannyeeko eddakiika 18 ezaasoose Mourinho n’amuggyamu oluvannyuma lwa Newcastle okubateeba ggoolo bbiri mu ddakiika 10.

Arsenal eri ku muyiggo gwa muzibizi anaggumiza ekisenge kyayo era omutendesi Unai Emery agamba nti alina okugulayo omuzibizi mu katale ka January.

Mu ngeri y’emu, Spurs nayo eyigga muzannyi anaggumiza ekisenge kyayo era omutendesi Mauricio Pochettino agamba nti alina okumufuna mu January.

Omuzibizi wa Spurs, Toby Alderweireld akyagaanyi okussa omukono ku ndagaano empya era kigambibwa nti essaawa yonna yandyegatta ku ttiimu endala.

Bailly wa myaka 24 era ekisinga okumuyaayaanya mu ttiimu ez’enjawulo kwe kuba nti akyali muto era Emery ne Pochettino balina essuubi nti basobola okumuzza ku maapu.

More From The Author

Emboozi z’omuwandiisi endala

Emboozi endala

Lop2 220x290

Looya alaze engabana y’emmaali...

Looya alaze engabana y’emmaali

Kip3 220x290

Ekisiikudde muka Bukenya baawukane...

Ekisiikudde muka Bukenya baawukane kati

Kip2 220x290

Muto wa Owen Kasule aziikiddwa...

Muto wa Owen Kasule aziikiddwa

Hot3 220x290

Maama bangi be wasigamu ensigo...

Maama bangi be wasigamu ensigo ey’okwagala Katonda

Hot3 220x290

Twakufuna nga kirabo okuva eri...

Twakufuna nga kirabo okuva eri Omutonzi