TOP

Abakiise ba FUFA bali Kabale mu ttabamiruka

By Musasi wa Bukedde

Added 20th October 2018

LEERO (Lwamukaaga) abakiise ba FUFA lwe batuula mu ttabamiruka waabwe (FUFA Annual General Assembly) ow’omulundi ogwa 53 okuteesa ku bituukiddwaako mu mupiira omwaka guno n’ebinaaguyamba okweyongerako omwaka ogujja.

Imgm5928e15300936785801132509 703x422

Ahmed Hussein, omwogezi wa FUFA

Ttabamiruka ono agenda kutuula mu White Horse Inn mu disitulikiti y’e Kabale ng’asuubirwamu abakiise 88. Basuubirwa okuteesa ku ngeri gye bagenda okukulaakulanyaamu omupiira okuva ku mutendera ogwa wansi okutuuka ku ddaala erisembayo (Cranes).

Mu bintu birala ebisuubirwa mu ttabamiruka ono kuliko; okusomera abakiise ennyingiza ya FUFA n’ensaasaanya y’omwaka guno era baweebwe omukisa okugyekenneenya. Oluvannyuma baakubasomera embalirira y’omwaka ogujja bamanye ssente ezeetaagisa ku buli mutendera gwa mupiira okutuukira ddala ku Cranes, emirimu gya FUFA emirala, emisomo gy’abatendesi, pulojekiti za FUFA n’ebintu ebiarala.

Omwogezi wa FUFA, Ahmed Hussein yategeezezza nti ttabamiruka w’omulundi guno asuubirwa okuyisa embalirira esuubirwa okulinnya ku y’omwaka guno kuba pulojekiti nnyingi ze balina okukola nga zirina kusooka kuyisibwa abakiise bazitegeere.

“Buli mwaka abakiise tulina okubalaga bye tukoze ne bye tulina okukola mu mwaka oguddako era bonna balina kusooka kubitunulamu ne babikkiriza oba okubikubaganyaako ebirowoozo,” Hussein bwe yagambye.

Ensonda okuva mu bakiise zaategeezezza nti ensonga ya FUFA okuwa kkampuni ya StarTimes, ddiiru y’okulaga liigi okumala emyaka 10, esuubirwa okutunuulirwa ennyo kuba bangi ku bo tebaagimatira.

Hussein yategeezezza nti buli nsonga egenda okuteesebwako, yalambikiddwa bulungi era balinze kye banaasalawo olwo kissibwe mu nkola nti kuba kye kibatutte e Kabale.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...