TOP

Abayizi battunse mu mizannyo

By Henry Nsubuga

Added 20th November 2018

Omumyuka wa RDC w'e Tororo, asabye amasomero okuzimba ebisaawe basobole okutumbula ebitone by'abayizi

Junior1 703x422

Abayizi nga battunka mu misinde

Omumyuka w’omubaka wa Gavumenti e Tororo, Yahaya Were, asabye abakulira okulambula amasomero mu ggwanga okunyinnyitiza omulimu guno okulaba nga gatuukiriza ebisaanyizo.

Were yategeezezza nti mu bisaanidde okutunulwamu kwe kulaba ng’amasomero gonna, aga Gavumenti n’agobwannanyini gabeera n’ebisaawe abayizi mwe balina okuzannyira emizannyo egy’enjawulo, basobole okutumbula ebitone byabwe.

Yabadde  ku lunaku lw'emizannyo lya Global Junior School e Mukono, abayizi mwe baavuganyirizza mu nnyumba zaabwe okuli; Mars, Jupiter, Neptune ne Mercury. Beenyigidde mu mizannyo okuli emisinde, omupiira, dulafuti, n’emirala nga n’abazadde wamu n’abasomesa bagyetabyemu.

 ahaya ere omumyuka womubaka wa avumenti e ororo Yahaya Were, omumyuka w'omubaka wa Gavumenti e Tororo

 

Ate omulambuzi w’amasomero mu munisipaali y’e Mukono, Olivia Bulya yasabye abazadde okuwagira abaana baabwe basobole okutumbula ebitone byabwe.

Bulya yategeezezza nti kya nnaku okulaba ng’eriyo abazadde abatayagala baana kwenyigira mu mizannyo nga balowooza nti gibamalira budde, ng’ekyabatwala ku masomero kusoma bya mukibiina.

“ Kino si kituufu era kisaana kikome,” Bulya bwe yakkaatirizza.

Ye akulira essomero lino, Anthony Kato Ssentongo, yagambye nti emizannyo bagiteekako essira kuba giyamba abayizi okubeera abalamu, n’obwongo okuba nga bukola bulungi.

Ennyumba ya Mars, ye yawangudde n’eweebwa sseddume w’ente, ekikopo n’ebirabo ebirala.

 

More From The Author

Emboozi z’omuwandiisi endala

Emboozi endala

Whatsappimage20191213at212901copy 220x290

Balaze waaka ku mpaka z'emisono...

Balaze waaka ku mukolo gw'okwolesa emisono ogwategekeddwa Abraynz ku Serena Hotel mu Kampala

Steelandtubebyjmutebi2 220x290

'Abakozi mukomye okwemulugunya'...

FAAZA Raymond Kalanzi ow’e kiggo ky’e Kiwamirembe alabudde abakozi abasiiba ku mirimu yonna gye bali nga beemulugunya...

Fanda1 220x290

Eyasuulawo mukyala we emyaka 25...

SSEMAKA eyasuulawo mukyala we ng’afunye omulala akomyewo oluvannyuma lw’emyaka 25 n’amukuba empeta.

Bba 220x290

Kkamera ziraze eyabbye emmotoka...

KKAMERA za poliisi zikutte omusajja omulala ng’abba emmotoka eyabadde esimbiddwa okumpi n’eddwaaliro ly’e Mulago....

Tamalemirundi 220x290

Tamale Mirundi agobye abamulambula...

Mikwano gya Tamale Mirundi betwayogeddeko nabo baategeezezza nti obulwadde Tamale bwamwetamizza abantu era mu bamu...