TOP
  • Home
  • Rally
  • Suzan Muwonge ajaguzza okuwangula NRC 2018

Suzan Muwonge ajaguzza okuwangula NRC 2018

By Nicholas Kalyango

Added 27th November 2018

‘Super lady’, Suzan Muwonge alabudde abavuzi ba mmotoka z’empaka nti omwaka gujja akomawo kulwanira ngule.

Supalady2 703x422

Muwonge n'ebimu ku bikopo by'awangudde mu mmotoka z'empaka.

NANTAMEGGWA wa NRC 2018, ‘Super lady’, Suzan Muwonge alabudde abavuzi ba mmotoka z’empaka nti omwaka gujja akomawo kulwanira ngule n’akubalaga nti ddala takyali wa muzannyo.

Bino Muwonge yabyogedde ku kabaga kwe yajaganyiriza okuwangula engule y’emmotoka z’empaka ey’omwaka guno gye yatwalidde ku bubonero 395 oluvannyuma lw’okuwangula empaka z’e Mbale. Akabaga kabadde ku Stallion Hotel e Nateete ku Lwomukaaga.

 uwonge ku kkono ne dmon yeyune amusomera maapu nga basala keeci Muwonge (ku kkono) ne Edmon Kyeyune amusomera maapu nga basala keeci.

 

Muwonge yagambye nti, “Buli lukya nnyongera okwekiririzaamu. Obuwanguzi buno bwongedde okundaga nti ndi wa maanyi era nsobola okufufuggaza buli omu mu muzannyo guno.”

Yayongeddeko nti ayagala kutandika kuvuganyiza ku ngule ya Afrika kuba wano mu Uganda talyalina ky’amaanyi ky’agenda kulaga bawagizi. Muwonge yaakawangula engule z’eggwanga biri (2011 ne 2018).

Akabaga kano, kaabaddeko abavuzi b’emmotoka z’empaka ab’enjawulo nga basoose mu mmisa eyakulembeddwa Rev. Fr. Deogratius Kateregga Kiibi eyasabye abaami okuwagira bakyala baabwe mu buli kye bakola n’okwenyigira mu mizannyo egy’enjawulo.

More From The Author

Emboozi z’omuwandiisi endala

Emboozi endala

She1 220x290

Abaafunye akabenje mu Ambulance...

Abaafunye akabenje mu Ambulance baziikiddwa

Rak1 220x290

Ssentebe w'ekyalo Laddu emukubye...

Ssentebe w'ekyalo Laddu emukubye n'afiirawo e Rakai

Gat2 220x290

Asangiddwa ng'agenda okukwata abaana...

Asangiddwa ng'agenda okukwata abaana akkiriza omusango n'asaba ekisonyiwo

Mut1 220x290

Ssaabasajja aggaddewo ekisaakaate...

Ssaabasajja aggaddewo ekisaakaate kya Maama Nnabagereka

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...