TOP
  • Home
  • Emisinde
  • Makerere ekomyewo mu za yunivasite n'ennyonta

Makerere ekomyewo mu za yunivasite n'ennyonta

By Musasi wa Bukedde

Added 5th February 2019

OKUMALA emyaka ebiri nga Makerere University ekaligiddwa okuzannya mu Pepsi University League, ekomyewo n’ennyonta ya ggoolo 1-0 gye yakubye KIU ku mutendera gw’okusunsulamu ttiimu essatu ezineegatta ku 13 okuweza 16 sizoni eno(2019).

Funa 703x422

Yinusu Muftau owa KIU mu maaso ng'attunka ne Laban Tibiita owa Makerere

Bya GERALD KIKULWE

Mu Pepsi University League

Muni University 0-5 Gulu University

Makerere 1-0 KIU

Mu October,2017, Makerere yali ezannya ne Busitema University mu mupiira ogwali guggalawo egy’ebibinja, yali emaze okuyitawo okuzannya Gulu University ku “Quarter” wabula tekyasoboka lw’abawagizi baabwe okwesogga ekiyungu kya Busitema ne balya emmere yonna eyali ey’abayizi, ekyaleetawo akakyankalano n’omupiira ogwo ne gutaggwa.

Kino kyawaliriza akakiiko akakwasisa empisa mu liigi ya yunivasite okukaliga Makerere emyaka ebiri wabula ku luno bakomyewo nga bayita mu kasengejja ak’atandise sizoni eno nti buli ttiimu esemba okuva buli kibinja, erina kuyita mu kakungunta ng’ezannya ezimu ku ttiimu ezitabadde mu Liigi, era ensinza ensumika okuva mu nsiike ebbiri (awaka ne kubugenyi) ye yeegatta kw’ezo 12 ezaakola obulungi mu bibinja sizoni ewedde okuweza ttiimu 16.

William Kasozi atendeka Makerere agamba nti bayize bingi nga bali ku kibonerezo naye n’asuubiza ku mulundi guno okwolesa emisa ennungi kuba baagala kikopo kya kubiri mu liigi eno.

Makerere yakoma okutwala ekikopo kino mu 2012, sizoni eyasookera ddala wabula endala nga MUBS, K.U zigivudde mabega ne ziwangula ebikopo bibiri kw’ossa Kyambogo ne UMU abalina ekimu buli emu.

More From The Author

Emboozi z’omuwandiisi endala

Emboozi endala

Kabuzi1 220x290

Uganda ekubye Malawi 2-0 n'ewaga...

MU Mupiira, waliwo enjogera egamba nti tewali buwanguzi bubi, wabula waliwo bw’otuuka ekiseera ng’olina okutunuulira...

Gendako 220x290

Engeri okwanjula kwa Hamza gye...

Ebika bibiri eky’Endiga n’Ekyolugave Rema mw’azaalwa byali tebimanyiganye era nga tebasisinkanangako.

Bwama 220x290

Rema annyonnyodde by'ayiseemu ng'anoonya...

Rema yabattottolera obuzibu bwe yayitamu ng’anoonya ekika kye. Nti olumu Rema yasisinkana Ssenga we Nabatanzi ku...

Laga 220x290

Rema yasoose kukolebwako mikolo...

E Kyengera mu wiiki eddirira emikolo, Rema yasoose kukolebwako mikolo gya buwangwa okwanjula Hamza, Rema yali ne...

Buuza 220x290

Embaga ya Rema eriko ebibuuza

Kirumira yagasseeko nti ennaku z’omwezi baakuzitegeeza abantu mu kiseera ekituufu; n’annyonnyola nti enteekateeka...