TOP
  • Home
  • Mupiira
  • 15 zikakasizza okwetaba mu mpaka za yunivasite

15 zikakasizza okwetaba mu mpaka za yunivasite

By Musasi wa Bukedde

Added 11th February 2019

Ttiimu 15 zikakasizza okwetaba mu PEPSI University League, Makerere ne KIU zirinda biva mu kakiiko ku ffujjo eryali mu kisaawe

Yunivasiteweb 703x422

Patrick Ssebuliba (ku ddyo), atendeka Nkumba ne Florence Nakamya, omuwandiisi wa liigi ya Yunivasite

Bya GERALD KIKULWE

TTIIMU 15 zikakasizza nga bwezigenda okwetaba mu mpaka za Pepsi University League sizoni eno.

Ku mulundi guno, ttiimu ennya ezaakeegatta ku liigi eno, n'ennya ezaakoobera mu bibinja sizoni ewedde, zaasoose kwezannya okusalawo eziyitawo okwesogga ebibinja bya sizoni eno.

Yunivasite ya International University of East Africa (IUEA), Gulu ne Nkumba ze zaayise mu kakug’uunta okwegatta ku Kyambogo (bakyampiyoni) b’omwaka oguwedde, Kampala University (KU), MUBS, UCU, Kumi, Busitema, SLAU, IUIU, Nkozi, Bugema, Bishop Stuart  ne YMCA.

Omugatte ttiimu zirina kubeera 16, kyokka akakiiko tekannasalwo kyankomeredde ku mupiira gwa KIU ne Makerere, ogwayiise ku Lwokusatu, ng’entabwe eva ku bawagizi ba Makerere okweyiwa mu kisaawe nga bawakanya peneti za KIU ebbiri.

Makerere yawangula oluzannya olwasooka ku ggoolo 1-0, ate KIU n’ewangula ogw’okudding’ana ku ggoolo ze zimu, olwo eddakiika 90 ne ziggwaako ng'omugatte guli (1-1).

Vincent Kisenyi, omumyuka wa Pulezidenti w’ekibiina ekiddukanya liigi eno, yakakasizza nti ng’Olwokuna, empaka lwe zisuubirwa okutandika terunnatuuka, bajja kuba basazeewo ekyenkomeredde ku nsonga eno.

Ebibinja nga bwe byakwatiddwa;

Ekibinja A;  Bugema, Bishop Stuart, Nkumba ne YMCA.

Ekibinja B; SLAU, Gulu, IUIU ne UMU

Ekibinja C; Kyambogo, Kumi, Bisitema ne KIU/Makerere

Ekibnja D; KU, IUEA,MUBS ne UCU

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...